ALAVIS
August 8, 2020

You are berry special

Í dag langaði mig að deila uppskriftinni af þessum ferska tropical smoothie sem inniheldur fullt af góðum næringarefnum. Þetta smoothie er virkilega einfalt og tekur stuttan tíma að útbúa :)

Allt sem þarf:

➺ 500 g Ísey skyr með jarðarberjabragði

➺ 1 rautt epli frá Pink Lady

➺ 1 stk þroskaður banani

➺ 1 þroskuð og safarík pera

➺ 1 bolli fersk hindber

➺ Vatnsmelóna eftir smekk í lokin. (Magnið fer eftir því hvað þú vilt hafa smoothie-inn þykkan).

➺ Nokkrir ísmolar

Allt sett saman í blandara í 30 sekúndur.

Ég vona að þetta smakkist vel :)

July 25, 2020

Helgar brunch

Ég hef alltaf verið mikið fyrir brunch. Reyndar líka breakfast og lunch en það er annað mál ;) Mér finnst bara ofsalega gott að borða og þá sérstaklega eitthvað heimatilbúið. Í dag langaði mig að deila uppskriftinni af einu uppáhalds boostinu mínu. Það er mjög svipað og 1001 nótt á Ísey skyrbar en aðeins meira creamy og sætt!

Uppskrift fyrir tvo:

500 g Ísey skyr með vanillubragði

1 msk lífrænt hnetusmjör

5 stk mjúkar döðlur

1 bolli afhýddar möndlur (sem eru búnar að liggja í bleyti yfir nótt)

1/2 bolli frosið mangó

1 þroskaður banani

1 rautt epli frá Pink lady

1 bolli Organic coconut rice milk frá DREAM (ég set link hér af því mér finnst þetta sú eina sem er góð í boostið).

Setjið allt í blandara ásamt nokkrum ísmolum. Ef boostið er of þykkt þá set ég meira af kókosmjólk.

Ég vona að þetta smakkist vel..

@ALAVIS.IS
July 15, 2020

Afmælisveislan hennar Ísabellu

Á fimmtudaginn héldum við afmælisveisluna hennar Ísabellu. Hún átti afmæli í apríl en vegna samkomubanns þá vildi ég ekki taka neina sénsa. Þess vegna ákváðum við að fresta veislunni og hafa í staðinn grillpartý utandyra núna í júlí. Það var ótrúlega mikið stuð og sem betur fer var léttskýjað og sól þennan dag annars hefði þetta varla verið hægt. Ég var svo heppin að fá hana Huldu Margréti ljósmyndara til þess að taka myndir í veislunni en hún er algjör demantur. Virkilega hæfileikarík, skemmtileg og með góða nærveru. Hún er einstakur ljósmyndari og tekur ævintýralega fallegar myndir. Hún er einnig sérstaklega góð í að ná bestu momentunum hverju sinni. Ég mæli mikið með henni í allar veislur og viðburði.

Allt afmælisskrautið var úr Partýbúðinni. Við ákváðum að hafa sumarlega & ljósa liti. Blöðruboginn og blöðrurnar voru einnig frá þeim en ég valdi ljós- og skærbleikar, hvítar, fjólubláar með chrome, glærar með bleiku confetti og marmara. Blöðruboginn er seldur sér og blöðrur sér, þannig það er hægt að nota hann aftur og aftur. Hann er fylltur með vatni og síðan eru festingar fyrir blöðrurnar á sjálfum standinum. Virkilega þægilegt og auðvelt í notkun.

Ísabella mín fékk svo fallegan kjól hjá Von verslun og æðislegan blómakrans úr lifandi blómum í blómabúðinni Auði á Garðatorgi 4. Hún var sérstaklega ánægð með daginn og sagði að þetta hefði verið skemmtilegasta afmæli sem við höfum haldið :)

Lesendur geta fengið 15% afslátt af kjólnum inni á www.vonverslun.is með kóðanum ALAVIS.IS

Afmæliskakan var frá Sætum syndum en við vildum hafa kastalaköku. Kakan var svo ótrúlega flott hjá þeim eins og alltaf og mjög bragðgóð. Innihaldið var súkkulaðikaka með súkkulaðikremi. Þetta er án efa fallegasta kaka sem ég hef séð hjá þeim og ég veit ekki hvernig þær fóru að því að gera hana!

Við vorum einnig með nammibar með góðgæti frá Innes.

Það sem mér finnst sniðugt að hafa í nammibar:

Milka súkkulaði - sem er í miklu uppáhaldi hjá okkur Ísabellu.

Trolli Glóandi slöngur

Trolli jarðarberjahlaup

Geisha súkkulaðimolar - sem eru fylltir með súkkulaði og núggati.

Maarud flögur - með sýrðum rjóma & lauk

Orville örbylgjupopp

Maarud Supermix með paprikubragði

Ég fékk einnig myndabox hjá Selfie.is til þess að taka skemmtilegar flipp myndir :) Ég valdi bakgrunninn BLEIKAR RÓSIR sem smellpassaði við sumarþemað í afmælinu.

Við vorum með Hoppukastala frá Hopp og Skopp sem vakti mjög mikla lukku hjá stelpunum. Við völdum Regnbogakastalann sem er passlega stór fyrir svona barnaafmæli.

Load more posts
June 28, 2020

Ljúffeng morgunskál

Í morgun útbjó ég frískandi smoothie skál með fullt af ávöxtum sem bragðaðist sérstaklega vel.

Mig langaði að deila uppskriftinni með ykkur :)

➺ 500 g Ísey skyr með jarðarberja- eða vanillubragði (bæði mjög gott)

➺ 1 rautt epli frá Pink Lady

➺ 1 stk þroskaður banani

➺ 1 þroskuð og safarík pera

➺ 1 bolli fersk jarðarber

➺ Vatnsmelóna eftir smekk í lokin. Magnið fer eftir því hvað þú vilt hafa smoothie-inn þykkan.

➺ Nokkrir ísmolar

Allt sett á fulla ferð í blandarann í u.þ.b. 30 sek. Hellið í skálar og setjið granóla yfir ásamt jarðarberjum, hindberjum og bláberjum ásamt melónubitum kókosflögum og mórberjum.

Holl og góð næring til þess að byrja daginn.

Ég vona að þetta smakkist vel.

June 17, 2020

Hæ hó jibbí jei það er kominn 17.júní!

Gleðilegan 17. júní! Dagurinn var sem betur fer sólríkur þetta árið mér til mikillar gleði. Við fórum á skemmtidagskrána í Kópavogi frekar en í Garðabæ vegna þess að það var mun meira um að vera fyrir börnin. Við enduðum svo daginn á Flatey á Garðatorgi en þeir voru að opna nýjan pizzastað fyrir nokkrum dögum síðan.

Lína langsokkur, Ronja ræningjadóttir og söngatriði var það sem Kópavogsbær bauð upp á ásamt skemmtilegum söngatriðum og fimleikasýningu.

Það voru einnig hoppukastalar en Ísabella mín varð auðvitað að prófa þá alla! :)

Ég vona að dagurinn ykkar hafi verið góður..

June 6, 2020

Hjóladagar

Það er svo endurnærandi að vera utandyra þessa dagana og ég gæti ekki verið ánægðari með hvað allt er orðið grænt og fallegt. Í gær hjólaði ég úr Garðabænum yfir í Kópavog, þaðan niður Elliðaárdalinn í Grasagarðinn. Síðan niður að Hörpu og í Nauthólsvík. Þá var kominn tími til að fara aftur heim.

Í heildina var hjólatúr gærdagsins 30km. Þetta var svo skemmtilegt og ég elska að hjóla á sumrin.

Ég er byrjuð að keppa við sjálfa mig og stefni á að slá tímamet í hverri viku fram í ágúst. Hver veit hvað gerist þá..

Ég vona að þið njótið helgarinnar. Þangað til næst! :)

June 3, 2020

Hvítasunnuhelgin

Um helgina heimsóttum við Slakka sem er lítill húsdýragarður í Laugarási, Biskupstungum. Það tekur u.þ.b. 1 klst og 20 mínútur að keyra þangað frá Garðabæ. Þar í kring er mikil náttúrufegurð og einstök upplifun fyrir börnin. Eftir Slakka fór Ísabella á hestbak á Syðra-Langholti rétt hjá Flúðum sem var mikið stuð! :)

Það eru margir kettlingar í Slakka núna sem var mikið gleðiefni fyrir dýrakonuna mína! Við hittum á mjög gott veður en það er best að reyna stóla upp á sól og logn. Þá er hægt að njóta sín vel og lengi í garðinum.

Þessi litli, sæti kettlingur bræddi í mér hjartað! Hann var svolítið mikið þreyttur enda tekur á að stækka svona hratt! :)

Mjáwww..

Ég vona að helgin ykkar hafi verið góð :)