ALAVIS
March 16, 2019

GJAFALEIKUR

Í dag ætla ég og Steinar Waage að gleðja vinkonur og gefa sitthvort skóparið að eigin vali (að verðmæti 20.000kr hvort skópar). Það er mikið úrval af flottum og sumarlegum skóm frá Calvin Klein og fleiri merkjum í Steinari Waage þessa stundina, þannig allir ættu að geta fundið eitthvað við sitt hæfi. Ég valdi mér skóna á myndunum en þeir eru bæði til hvítir með silfri og svartir með gulllitaðri skífu.

´gegÉgAdvertisement

Skórnir verða líka flottir við gallabuxur og sumarlegt outfit í sumar!

Leikurinn fer fram á Facebook- og Instagramsíðu Alavis.is.

Facebook

Instagram

Ég dreg út tvo vinningshafa eftir viku eða þann 23. mars næstkomandi.

Eigið góða helgi!

February 18, 2019

Styttist í konudaginn

Á sunnudaginn er Konudagurinn og þá er hefð fyrir því að menn gefi konum blóm í tilefni dagsins. Þessir allra rómantískustu kaupa jafnvel súkkulaði líka nú eða köku.

Einföld hugmynd til þess að lífga upp á daginn er hin árlega Konudagsostakaka sem fæst aðeins í takmörkuðu magni í verslunum Nettó. Þessi ljúffenga kaka sem einfalt er að bera fram er með jarðarberjabragði.

Ostakaka með kaffinu er fullkomið á Konudaginn!

Þessi verður að minnsta kosti á boðstólnum hjá mér á Konudaginn!

Konudagsostakakan og fallegir blómvendir í miklu úrvali fást í verslunum Nettó.

@ALAVIS.IS
February 15, 2019

Jógúrt klattar

Um daginn gerði ég jógúrt klatta úr grískri jógúrt sem þægilegt er að grípa í þegar mig langar í eitthvað sætt. Þetta er hálfgert nammi en þó í hollari kanntinum. Uppskriftin hér að neðan er eins einföld og hugsast getur.

➺ 6 dl grísk jógúrt

➺ 1 dl hunang

➺ Fersk jarðarber

➺ Fersk bláber

➺ Þurrkuð gojiber

➺ Granóla eða múslí eftir smekk

➺ 80% súkkulaði eftir smekk (súkkulaðið sem ég notaði og er á myndinni fæst í Nettó).

Aðferð:

➺ Blandið saman grískri jógúrt og hunangi.

➺ Setjið bökunarpappír í eldfast mót og hellið blöndunni jafnt yfir (passið að hafa allt slétt).

➺ Skerið niður jarðarber og dreifið yfir.

➺ Setjið næst bláber, gojiber og granóla ásamt súkkulaði yfir blönduna.

➺ Setjið formið í frysti í 1 klst og skerið þá passlega stóra bita.

➺ Setjið formið aftur inn í 3 klst til viðbótar.

Mér finnst þægilegt að taka út einn og einn bita til þess að gæða mér á:)

Ég vona að þetta smakkist vel!

Öll hráefnin í þessa uppskrift færðu í Nettó ásamt brettinu, hnífnum og rifjárninu.

Eigið góða helgi.

Load more posts
February 13, 2019

Valentínusardagur í Dúka

Í tilefni Valentínusardagsins á morgun verða allar uppáhalds vörurnar mínar á 15% afslætti út morgundaginn í Dúka Smáralind. Á Valentínusarborðinu má meðal annars finna design letters bollana, lukkutröllið Miss Kiss sem er ballerínan á borðinu og Onyx flame með svarta og hvíta hárið. Súkkulaði með rómantískum setningum, Kay Bojesen apann, sebrahestinn, söngfulinn og ástarfuglana svo eitthvað sé nefnt.

Á borðinu má einnig finna vörur frá Iittala og Kartell.

Poppið með kaffibragðinu er ótrúlega gott! Það er hægt að smakka allar tegundirnar á afgreiðsluborðinu.

Vörurnar sem ég valdi eru fallegar gjafir bæði á Valentínusardaginn og Konudaginn þann 24. febrúar.

Þessi lampi er svo ótrúlega fallegur!

Súkkulaði og blóm er alltaf klassísk gjöf á Valentínusardaginn!

Ég mæli með að kíkja í Dúka Smáralind og nýta afsláttinn :)

January 27, 2019

Snjór í lofti & nýir skór!

Ég verð að viðurkenna að það eru svolítið mikil viðbrigði að vera komin heim í þennan snjó og kulda. Það eru auðvitað kostir og gallar við allt en ég er bara ánægð með þennan mikla snjó. Núna er allavega hægt að fara á skíði.

Ég fór í Steinar Waage í Kringlunni fyrr í vikunni og fann mér nýja skó frá merkinu Vagabond. Skórnir eru úr ekta leðri með grófum botni og henta vel dagsdaglega. Þó svo að skórnir séu með nokkuð háum hæl þá eru þeir virkilega þægilegir. Þeir komu eiginlega skemmtilega á óvart en ég valdi þá einungis vegna þess að mér fannst þeir svo fallegir en ég vissi reyndar líka að Vagabond framleiðir hágæða vörur. Þegar ég fór að ganga í skónum fann ég hversu mjúkir þeir voru og ekki skemmir fyrir hvað botninn á þeim er grófur. Þetta er svona eins og að vera á vetrardekkjum! :)

Ef þið eruð að leita að góðum og fallegum skóm þá er mikið úrval í Steinari Waage Kringlunni og Smáralind.

January 20, 2019

Í garðinum

Ég elska að taka myndir í útlöndum þó svo ég hafi gert óvenju lítið af því í þessari ferð. Þar sem ég hef aðallega legið í afslöppun við sundlaugarbakkann og leikið við Ísabellu í barnaklúbbnum. Já og ekki má gleyma barnadiskótekunum á kvöldin. Hótelið sem við erum á er algjört æði. Ég get ekki dásamað það nógu mikið. Það er svo flott dagskrá hérna dag eftir dag og mikið lagt upp úr því að skemmta börnunum!

Það er svo fallegt að taka myndir í hótelgarðinum.

Ég borða vanalega ekki ís heima á Íslandi en þegar ég er á sólarströnd þá finnst mér ís óvenju góður!

Það er bara einfaldlega betri ís hérna heldur en heima. Þessi ísbúð er beint fyrir utan hótelið..

Það er ekki annað hægt en að brosa á svona góðviðris dögum!

Hasta luego! :)

January 19, 2019

Göngutúr meðfram strandlengjunni

Ég fór í góðan göngutúr meðfram strandlengjunni um daginn og tók nokkrar myndir af umhverfinu í leiðinni. Staðurinn á efstu myndinni heitir Papagayo Beach Club og er á amerísku ströndinni. Það er sérstaklega kósý að horfa á sólsetrið þarna á kvöldin.

Fallegasta svæðið hérna á Tenerife að mínu mati er svæðið í kringum Playa del Duque. Þar eru einnig góðir veitingastaðir og gaman að horfa á mannlífið á daginn og kvöldin.

Playa del Duque.

Veitingastaðurinn hægra megin við mig á myndinni heitir La Hacienda. Hann er mexíkóskur og ég get alveg mælt með honum. Hann er við hliðina á El Duque kastalanum.

Það styttist í heimför en ég frétti að það væri búið að snjóa töluvert mikið. Ég hlakka til að komast á skíði. Vonandi eruð þið að njóta helgarinnar. Þangað til næst..