ALAVIS
July 19, 2019

Afmælisundirbúningur!

Þar sem ég á afmæli núna í júlí ætla ég að bjóða vinkonum mínum hingað heim annað kvöld og halda smá afmælispartý! Ég er mjög spennt fyrir morgundeginum og hlakka til að njóta kvöldsins í góðum félagsskap.

´gegÉgAdvertisement

Ég held að ég sé óvart farin að safna kampavínsflöskum! Þær eru ótrúlega fallegar..

Ég ætla að hafa kjúklingarétt, lasagna og vorrúllur ásamt mozzarella sticks, ostum og nóg af kökum!

Ég er með sumarþema að þessu sinni..

Nóg af blöðrum eins og venjulega..

Ég ætla ekki að hafa þetta lengra í dag. Ég set svo inn myndir úr afmælisveislunni. Eigið góða helgi!

July 12, 2019

Vinkonuferð til Tenerife

Í gær komum við heim til Íslands eftir frábæra ferð til Tenerife. Ég hef alltaf verið svo spennt að koma heim frá útlöndum en í fyrsta skipti á ævinni langaði mig ekkert heim. Bara alls ekki! Ég veit að ekkert varir að eilífu en vááá hvað ég vildi að þessi ferð hefði gert það. Djöfull var þetta gaman! Afsakið orðbragðið.

Ísabella mín breyttist í hafmeyju í ferðinni og var alltaf í sundi. Hún var svo glöð alla ferðina og naut sín í botn! Þegar ég spurði hana í gærkvöldi hvort hún væri ekki bara ánægð að vera komin heim sagði hún: "ekkert svo". Það eru alltaf viðbrigði að koma heim. Sérstaklega þegar það er búin að vera skemmtidagskrá upp á dag í 10 daga.

Ég fékk svo margar fyrirspurnir út í hótelið á meðan við vorum úti. En hótelið heitir Hard Rock hótel og var mjög fínt. Ég á 100% eftir að fara þangað næst þegar ég fer til Tenerife.. sem verður nú pottþétt ekki eftir langan tíma ef ég þekki sjálfa mig rétt! :)

Sjá þessa fegurðardís sem ég á! <3 Hún gerir alla daga svo miklu betri.

Þarna var gott að vera! Sakna strax..

Anna Ýr mín í góðum gír!

Ísabella mín eignaðist vinkonu frá Englandi sem var einu ári eldri. Þær náðu ótrúlega vel saman og voru algjörar dúllur.

Ég ætla ekki að hafa þetta lengra. Ég vona að júlí og ágúst verði sólríkir hérna heima. Annars segi ég bara góða helgi!

@ALAVIS.IS
June 23, 2019

Ekki brenna í sólinni..

Eigum við eitthvað að ræða þetta geggjaða veður sem er búið að vera undanfarið. Ég er að elska þessa sól dag eftir dag. Núna er bara ein vika þangað til ég fer til Tenerife með vinkonu minni og stelpunum okkar. Eins og ég hef margoft sagt áður þá elska ég Tenerife og enda einhvern veginn alltaf þar aftur og aftur. Við Anna Ýr vinkona mín breyttum aðeins plönunum okkar og skiptum um hótel. Hótelið sem við verðum á heitir Hard Rock hótel og virkar eiginlega alveg geggjað af myndunum að dæma. Fyrir áhugasama set ég link af hótelinu hér. Í haust langar mig svo að prófa suður Frakkland eða fara aftur til Ítalíu. Skemmtilegir tímar framundan for sure!

Það eru flestir gráðugir í sólina eftir mikið sólarleysi síðustu mánuði. Því miður eru margir að brenna í allri þessari sól. Það er mjög mikilvægt að nota sólarvörn eins og allir vita. En það er ennþá mikilvægara að nota sólarvörn sem er laus við ofnæmisvaldandi eða hormónatruflandi efni. Neytendastofa noregs gerði könnun á 45 tegundum af sólarvörnum árið 2017 og aðeins 8 af þessum 45 sólarvörnum voru í lagi. Margar af þeim tegundum sem stóðust ekki prófið eru til sölu hérna á Íslandi. Just saying! Í rannsókninni voru einungis 3 tegundir af 13 í lagi fyrir börn þ.e.a.s. sem stóðust kröfur.

Hérna er listi yfir þær sólarvarnir sem eru í lagi. Notið aðeins þær sem eru með grænum broskarli :)

Ég get allavega mælt með Änglamark sólarvörninni sem fæst í Nettó. Það verður ekkert annað notað á mig og Ísabellu úti á Tenerife í júlí. Sólarvörnin er bæði til með SPF15 og SPF30. Ég vona að þið eigið góðan dag :)

Load more posts
April 16, 2019

5 ára afmæli - part 2

Hérna koma nokkrar fleiri myndir úr afmælinu :)

Fallega stafakakan var frá Sætum syndum. Hægt er að fá stakan staf eða tvo stafi saman. Stafurinn er búinn til úr vanillu kexi og skreyttur með mascarpone rjómaostakremi, makkarónum, konfekti og marengstopppum. Hægt er að velja um mismundi fyllingar inn í stafinn en ég var með saltkaramellu sem var svakalega ljúffengt. Fæ vatn í munninn við tilhugsunina! :p

Elsku hjartað mitt!

Eftirréttir! :p

Við vinkonurnar að nota myndaboxið frá Selfie.is. Myndabox eru svo þægileg í allar veislur. Þau skapa skemmtilega stemmningu og góðar minningar. Þau eru einföld í notkun. Þú þarft einungis að ýta á einn takka til þess að taka mynd og hún birtist á skjánum. Hægt er að senda myndir beint með SMS eða tölvupósti úr myndaboxinu. Boxið sem ég hef verið með tvisvar sinnum heitir Klassíska boxið. Ástæðan fyrir því að ég vel það er sú að það er með 14″ snertiskjá, 24mp Canon DSLR myndavél og studíó ljósi.

Mamma mia!

Diskóþema!

Eins og ég sagði hér að neðan þá var þetta frábær dagur í alla staði. Vildi að ég gæti haldið afmæli oftar á ári!

April 15, 2019

5 ára afmæli - part 1

Á laugardaginn varð elsku Ísabella mín 5. ára og við héldum diskó afmæli sem var ótrúlega skemmtilegt. Veislan heppnaðist vel og gullið mitt var mjög ánægð með daginn. Ég tók nokkrar 5 ára myndir af henni sem verður nú gaman fyrir hana að skoða eftir 10 ár.

Ísabella hélt upp á afmælið sitt á leikskólanum á föstudaginn og hérna heima daginn eftir. Hún var búin að bíða eftir þessu í ansi langan tíma. Þegar veislan var búin spurði hún strax hvenær hún ætti næst afmæli! ;D

Börnin sátu öll saman og fengu pizzu og minihamborgara. Ég held að það sé alltaf jafn vinsælt í afmælum.

Allir sem hafa smakkað pizzurnar frá Blackbox vita hversu góðar þær eru. Ég var með "best of" pizzur frá þeim og sé ekki eftir því.

Diskó dúllan mín! <3

Síðustu ár hef ég verið með mini hamborgara frá American style. Mér finnst þeir sjúklega góðir og passlegir fyrir litla munna. Ég valdi beikonborgara, ostborgara og bernaise borgara.

Eftirréttirnir voru frá Sætum syndum. Þau gera einfaldlega flottustu og ljúffengustu kökur sem ég hef smakkað! Afmæliskakan var diskókaka sem Ísabella valdi sjálf. Við vorum einnig með kleinuhringi, stafaköku sem myndaði tölustafinn 5 og svo ávexti.

Mæðgur á afmælisdaginn sem var virkilega skemmtilegur í alla staði!

April 9, 2019

Nýtt í herbergið

Á laugardaginn verður Ísabella mín 5. ára og mig langaði að gera fínt í herberginu hennar fyrir afmælið. Á morgun kemur málari að mála einn vegg í herberginu hennar í stíl við húsgögnin og ég hlakka mikið til að sjá útkomuna. Ég fann svo krúttlegan lampa hjá Tulipop sem gefur notalegt ljós á kvöldin og kemur sérstaklega vel út í herberginu hennar.

Ísabella hefur alltaf heillast mikið af Miss Maddy úr Tulipop vörulínunni og þess vegna fannst mér tilvalið að setja þennan lampa í herbergið hennar.

Miss Ísabella er mjög hrifin af hinni hæfileikaríku Miss Maddy sem trúir á mátt ástarinnar og lifir fyrir listina. Ekkert líkar henni betur en þegar henni er hælt í hástert (nema kannski jarðaberjarjómaís með heitri súkkulaðisósu og þeyttum vanillurjóma). Miss Maddy dreymir stóra drauma, hún er sannfærð um að hennar bíði eitthvað annað og meira og stærra – heimurinn bara verður að fá að njóta þessara stórbrotnu hæfileika! Að maður tali nú ekki um volduga söngröddina sem getur ekki einungis brotið gler þegar hún beitir henni, hún getur (ef henni sýnist svo) stöðvað flóðbylgjur og fengið stjörnur til að hrapa. En það borgar sig að fara vel að henni, hún hefur nefnilega ekki síður mikilfenglegt skap. Sem er ekki alltaf jafn ánægjulegt og allt hitt…

April 3, 2019

Morgunrútínan mín

Í dag langaði mig að segja ykkur frá snyrtivörunum Anglamark sem fást í verslunum Nettó og eru bæði umhverfisvænar og án ofnæmisvaldandi efna. Ég get ekki notað hvaða snyrtivörur sem er þar sem ég er með afar viðkvæma húð og get til dæmis bara notað lyktarlaus þvottaefni og alls ekki mýkingarefni. Ég er mjög spennt að prófa þessar vörur sérstaklega vegna þess að þær eru þær allra ódýrustu sem ég hef prófað auk þess að vera lífrænar.

Anglamark vörurnar eru svansvottaðar og þegar ég hugsa nánar út í það þá ætti enginn að nota neitt annað á húðina en svansvottaðar vörur. Ég verð að viðurkenna að ég hef ekki alltaf gert það og t.d. látið blekkjast af kremum með miklum ilm sem eru oftar en ekki slæm fyrir húðina þó svo þau ilmi vel í smá stund.

Þegar kemur að húðinni og morgunrútínunni minni þá byrja ég alltaf á heitri sturtu á hverjum einasta morgni. Mér finnst best að þrífa andlitið með mildri sápu í sturtunni og setja svo gott rakakrem eftir á. Ég er alfarið á móti því að nudda húðina mikið með bómull og þá sérstaklega ekki í kringum augun. Auðvitað er ekki nóg að hugsa bara vel um húðina heldur þarf maður líka að borða hollan mat og lifa heilbrigðu líferni. Ætli góður svefn sé ekki það allra besta fyrir húðina!

Ég hlakka til að prófa Anglamark vörurnar og segja ykkur hvað mér finnst :)

Vonandi eigið þið ljómandi góðan dag!