ALAVIS
September 7, 2019

Crème brûlée skyrkaka

Í gær gerði ég þessa Crème brûlée skyrköku og langaði mig að deila uppskritinni með ykkur. Ég er mjög hrifin af bæði skyr- og ostakökum og finnst það góð tilbreyting frá súkkulaðikökum. Þó svo að súkkulaði verði alltaf ofarlega hjá mér.

Allt sem þarf:

2 pakkar LU kex

200 gr. íslenskt smjör

500 ml rjómi frá Gott í matinn

500 g Crème brûlée Ísey skyr

Ofan á:

Bláber

Jarðarber

Daim kurl

Flórsykur

Aðferð:

1. LU kexið er sett í matvinnsluvél og því næst hellt í kringlótt form.

2. Næst er íslenskt smjör brætt og hellt yfir kexið.

3. Þessu er blandað saman þangað til allt kexið er orðið blautt og byrjað að klístrast saman.

4. Næst er kexblöndunni þrýst ofan í formið með skeið og botninn gerður alveg sléttur.

5. Þá er komið að því að léttþeyta rjóma og hræra skyrinu rólega saman við með sleif.

6. Skyrblöndunni er síðan hellt jafnt yfir botninn og sett í frysti í 3 klst áður en kakan er skreytt.

Skraut ofan á:

7. Ég skreytti með léttþeyttum rjóma sem ég sprautaði fyrst yfir alla kökuna og strauk svo rétt yfir toppana.

8. Næst hellti ég bláberjum í miðjuna á kökunni og skar nokkur jarðarber til þess að hafa með.

9. Síðan setti ég daim kurlið yfir kökuna. Bæði brætt og óbrætt.

10. Í lokin stráði ég smá flórsykri yfir berin.

Ég vona að kakan smakkist vel. Eigið góða helgi :)

´gegÉgAdvertisement

Fallega afmæliskakan mín var frá Sætum syndum. Ég valdi vanillubotna með saltkaramellu og smjörkremi. Ég er einstaklega hrifin af þessari samsetningu! Mig langaði í marmaraköku með makkarónum og var ekkert lítið glöð þegar ég sá þessa í kassanum. Hún var alveg eins og ég hafði óskað mér. Algjört listaverk hjá þeim og svo bragðgóð eins og alltaf.

August 24, 2019

cinderella is proof that a pair of shoes can change your life!

Í síðustu viku fór ég í Steinar Waage í Kringlunni og valdi mér þessa fallegu skó frá merkinu Piano. Mig vantaði einmitt svona skó fyrir haustið en þeir koma bæði í svörtu og vínrauðu. Ég er nánast búin að nota þá daglega við allskonar outfit frá því ég fékk þá og finnst þeir eiginlega alveg geggjaðir.

"OH, I DON´T NEED ANOTHER PAIR OF SHOES".. SAID NO WOMAN EVER.

Skórnir eru úr ekta leðri og kosta 19.995.-

Núna er kominn tími til að kveðja sumarið og taka á móti haustinu í öllu sínu veldi. Þetta sumar er búið að vera yndislegt í alla staði og mitt besta frá upphafi.

@ALAVIS.IS
August 8, 2019

Ofnbakaður Dalahringur

Ég hef alltaf verið mikið fyrir allskonar osta og alveg sama hvort það er ferskur parmesanostur, rifinn mozzarella eða kryddostur þá finnst mér þeir allir jafn góðir. Mygluostar með góðri sulti og söltu kexi er svo toppurinn á tilverunni. Að baka ostana í stutta stund gerir þá extra djúsí! Hérna kemur mín aðferð að ofnbökuðum Dalahring.

Hráefni

Dala hringur

Pistasíuhnetur

Trönuber

Kirsuber

 

Jarðarberjasósa

-200g jarðarber

- ½dl sykur

- smá sítrónusafi úr ferskri sítrónu

 

Aðferð

 1. Hitið ofninn í 180°C.

 2. Setjið smjörpappír í lítið, eldfast mót og setjið ostinn ofan á.

 3. Bakið ostinn í 10 mínútur þar til hann er orðinn mjúkur.

 4. Hellið jarðarberjasósu yfir ostinn en til þess að gera hana eru jarðarber og sykur sett í pott ásamt 1msk af vatni. Látið jarðarberin sjóða niður og notið töfrasprota til þess að sósan verði silkimjúk.

 5. Kreistið smá sítrónu út í sósuna til þess að gera hana enn betri.

 6. Skreytið með t.d. pistasíuhnetum, trönuberjum og kirsuberjum.

 7. Berið fram með góðu kexi.

Ég vona að þetta smakkist vel.

Load more posts
June 13, 2019

I was made for sunny days..

Í gær myndaði ég fyrir spennandi verkefni sem kom upp hjá mér fyrir stuttu síðan. Það er svo fallegt að sjá þessar fjólubláu lúpínur setja svona mikinn svip á landslagið og skemmtilegt að taka myndir með þær í bakgrunn. Hérna eru nokkrar myndir úr tökunni í gær.

Það styttist í að ég fari erlendis í sólina en ég vona að þessir 18 dagar verði fljótir að líða! Ég hreinlega get varla beðið.

Veðrið er búið að vera yndislegt í júní og ég vona svo innilega að þetta haldi áfram!

May 10, 2019

Sumarlegt parmesan kjúklingasalat

Í gærkvöldi gerði ég sumarsalat þar sem ég er búin að vera í átaki síðustu vikurnar. Á tímabili var ég alltaf að útbúa góð salöt en hef ekki gert mikið af því undandarið. Ég held hinsvegar að núna verði ekki aftur snúið! Salöt eru eins misjöfn og þau eru mörg en það eru tvö hráefni sem mér finnst gjörbreyta salati til hins betra. Það er að raspa nóg af ekta, gæða parmesanosti yfir kjúklinginn þegar hann er gegnum steiktur á pönnunni og svo LAVA CHEESE flögur muldar yfir salatið. Ef þú hefur ekki smakkað þessar ostaflögur þá mæli ég mikið með. Engin kolvetni og 39% prótein. Ansi magnað! Öll þessi hráefni fást í verslunum Nettó.

Hér er allt sem þarf:

Kjúklingalundir

Parmesan ostur

LAVA CHEESE

Kasjúhnetur

Furuhnetur

Avocado

Spínat

Fersk basilika

Vatnsmelóna - hún er á 50% afslætti í verslunum Nettó frá fimmtudegi til sunnudags

Jarðarber

Bláber

Rauð vínber

Aðferð:

1. Steikið kjúklingalundirnar og kryddið með salti + pipar.

2. Rífið parmesanost yfir kjúklinginn þegar hann er tilbúinn. Mér finnst gott að hafa mikið af parmesan osti en það er bara smekksatriði.

3. Setjið spínat í skál og dreyfið parmesankjúklingnum yfir eftir að þið eruð búin að saxa hann í smærri bita.

4. Skerið ávextina niður og raðið þeim yfir.

5. Stráið hnetunum yfir salatið.

6. Í lokinn er sérstaklega gott að kremja LAVA CHEESE í lófanum og setja yfir allt saman.

Í samstarfi við Nettó ætla ég að gefa tvö 20.000kr gjafabréf í Nettó.

Til þess að taka þátt í leiknum þarf að fara inn á Facebooksíðu Alavis.is HÉR.

Ég vona að þetta smakkist vel. Góða helgi! <3

April 29, 2019

There's Nothing Holdin' Me Back

Upp á síðkastið hef ég verið að taka mataræðið í gegn ásamt því að vera duglegri að hreyfa mig. Mig langar að komast í mitt besta form. Markmiðið er að styrkja mig og líta vel út í sumar. Að skrifa þetta hér setur enn meiri pressu á mig að standa mig vel og gefast ekki upp. Ég er loksins byrjuð að sjá smá árangur en þar sem ég er MJÖG óþolinmóð mætti þetta alveg gerast hraðar! :D

Það er Mid season sale og 30% afsláttur af völdum Nike vörum hjá Ellingsen þessa dagana. Þennan topp má meðal annars finna þar.

Í dag er ég í sumarskapi og ætla í samstarfi við Ellingsen að gleðja vinkonur og gefa Nike Metcon skópör.

Til að taka þátt þarf að:
➺ Fylgja @alavis.is og @ellingsen1916 á Instagram.

Ég dreg út tvær heppnar næstu helgi eða þann 5. maí.

Photo credit: Camilla Hólm

April 21, 2019

Páskar

Gleðilega páska! :) Í dag gerði ég gula páskaköku í tilefni dagsins sem bragðaðist ljómandi vel með kaffinu. Þessa páskana er ég stödd fyrir austan á Eskifirði. Hingað er alltaf gott að koma. Þessi helgi er búin að vera sérstaklega skemmtileg. Sólin var dugleg að láta sjá sig og það var fínasta skíðaveður. Við Ísabella nýttum það til hins ýtrasta og byrjuðum dagana snemma í barnabrekkunni í Oddskarði.

Uppskriftin af kökunni er tiltölulega einföld. Ég set hana inn hér neðar..

Botnar:

4 egg, 1 bolli sykur, 1/2 bolli hveiti, 2 msk kakó, 1 msk. kartöflumjöl, 1 tsk. lyftiduft.

Aðferð:

1. Ofn hitaður í 180°C, ég nota blástur.

2. Egg og sykur þeytt saman þar til blandan verður létt og ljós.

3. Þurrefnum blandað saman við með sleikju.

4. Skiptið deiginu jafnt í tvö form og bakið við 180°C í 20 mínútur á blæstri.

Smjörkrem:

Á milli og ofan á kökuna..

500 g íslenskt smjör (við stofuhita)

1 pakki flórsykur

6 - 8 tsk vanilludropar

4 - 6 msk rjómi frá Gott í matinn (smekksatriði hvað fólk vill hafa kremið þykkt).

Gulur, rauður og blár matarlitur.

Aðferð:

1. Hrærið smjörið í hrærivél eða handþeytara þar til silkimjúkt.

2. Bætið flórsykrinum saman við.

3. Setjið vanilludropana ásamt rjómanum út í blönduna.

4. Matarlitirnir koma síðast.

Mér finnst best að hræra smjörkremið saman vel og lengi!

A.T.H. Til þess að fá ljósbleikan lit setti ég smá af rauðum lit út í hvítt smjörkremið, til þess að fá fjólutóna set ég pínulítið af bláum saman við. Til þess að setja gulan á milli og ofan á kökuna er best að gera alveg nýtt smjörkrem. Auðvitað er einnig hægt að smyrja kreminu á kökuna og setja t.d. bara dúllur hringinn. Þannig fer helmingi minna smjörkrem á kökuna og svo tekur það töluvert styttri tíma. Það kemur einnig vel út að hafa kökuna einlita og skreyta með páskaeggjum. Ég notaði M&M mini páskaegg sem eru virkilega bragðgóð. Á páskunum í fyrra gerði ég Páskamarengs og notaði þá mini páskaegg frá Cadbury. Þau eru einnig ótrúlega góð.

Ég vona að kakan smakkist vel og páskarnir séu ykkur ánægjulegir!