ALAVIS
October 13, 2021

UMSK champions 2021

Á sunnudaginn kepptu Ísabella og Emil á UMSK danskeppninni sem haldin var í Kórnum í Kópavogi. Þau stóðu sig ótrúlega vel og voru í 1. sæti í latin og 2. sæti í ballroom undir 10. ára. Ég gæti ekki verið stoltari af 7. ára skottunni minni sem var yngsti keppandinn í þessum hópi. Eftir rétt rúmlega þrjár vikur eða þann 6. nóvember keppa þau síðan aftur.

Til hamingju með árangurinn elsku ástin mín ;* Mamma er svo óendanlega stolt af þér <3

August 20, 2021

Blackpool Junior Dance Festival 2021

Dagana 13 og 14 ágúst keppti Ísabella mín á Blackpool Junior Dance Festival. Þetta var fyrsta danskeppnin hennar erlendis ásamt því að vera sú langstærsta. Ísabella stóð sig ótrúlega vel og lagði sig alla fram. Hún vann sinn flokk 8. ára og yngri og er þar af leiðandi British Open Champion U8 2021 🏆🇮🇸🇬🇧. Hún keppti einnig í flokknum 10. ára og yngri og lenti þar í 4. sæti sem er glæsilegur árangur fyrir 7. ára. Ég gæti ekki verið stoltari af henni og hvað hún er búin að leggja hart að sér. Hún er reynslunni ríkari að koma fram fyrir svona margt fólk í þessari glæsilegu danshöll. Þvílíkt ævintýri og hlökkum við mikið til að mæta aftur á næsta ári.

Þeir sem hafa áhuga á að fylgjast með Ísabellu í dansinum geta fylgt henni á Instagram: https://www.instagram.com/isabella_birta/ en það eru mjög spennandi hlutir að gerast hjá henni sem ég hlakka til að segja ykkur frá fljótlega.

Þangað til næst <3

@ALAVIS.IS
June 13, 2021

Ballroom

Helgina 29 - 30 maí fór fram Íslandsmeistaramót í grunnsporum í hæsta getustigi. Mig langaði að deila nokkrum myndum með ykkur sem ég var að fá frá Huldu Margréti ljósmyndara.

Ég vona að þið eigið góðan dag :)

Load more posts
January 1, 2021

Gleðilegt nýtt ár

Gleðilegt nýtt ár kæru lesendur og takk fyrir samfylgdina á árinu 2020! Þó svo að árið hafi verið óvenjulegt er margt sem hægt er að vera þakklátur fyrir. Þannig að skál fyrir góðri heilsu og bjartari tímum á nýja árinu 2021.

Megi gæfan fylgja þér hvar sem þú ert og hvert sem þú ferð.

December 31, 2020

Jólastelpan mín

Hérna koma síðustu jólamyndirnar af litlu jólastelpunni minni. Hún fékk svo margt fallegt í jólagjöf og þar á meðal þennan fallega ísvagn. Hann er frá merkinu Le Toy Van og fæst í versluninni Regnboganum sem vinkona mín rekur. Þar má einnig finna allskonar sniðugt dót fyrir hlutverkaleiki.

Annars eru jólin búin að vera sérstaklega kósý og algjör rólegheit. Ég hlakka mikið til næsta árs og spennandi tíma sem framundan eru :)

Ísabella fékk nokkrar LOL dúkkur í jólagjöf en þær eru í mjööög miklu uppáhaldi hjá henni..

Ég vona að jólin ykkar hafi verið notaleg og góð..

Þangað til næst <3

December 25, 2020

Gleðileg jól

Mig langar að byrja á því að óska ykkur gleðilegra jóla en vonandi eruð þið búin að hafa það notaleg yfir hátíðirnar. Litla dúllan mín fékk loksins að opna pakkana sína í gær og það var svo skemmtilegt að fylgjast með því. Sex ára aldurinn er sá allra skemmtilegasti og þetta eru bestu jólin okkar hingað til. Ég er búin að taka slatta af myndum síðustu og hérna koma nokkrar sem ég valdi úr í fljótu bragði.

Okkar bestu óskir um gleðileg jól og farsælt komandi ár..

November 23, 2020

Crispy parmesan lambalæri

Í gærkvöldi eldaði ég parmesan húðað lambalæri sem er í mjög miklu uppáhaldi hjá mér. Undir stökka ostinum er einnig ofsalega góð fylling sem samanstendur af sveppum og lauk ásamt steinselju og timian. Með kjötinu var ég með sveppasósu og Waldorfsalat sem er tilvalið með öllum jólasteikum. Best er að útbúa salatið samdægurs.

Uppskrift:

  • lambalæri
  • Hvítlaukur
  • Íslenskt smjör
  • Hvítvín

Fylling:

  • 500g sveppir
  • 1 laukur
  • 50g íslenskt smjör
  • 1 msk steinselja
  • 1 msk timian

Parmesan hjúpur:

  • 400g góður parmesanostur (saxaður í matvinnsluvél)
  • 50g íslenskt smjör

1. Hitið  ofninn í 180°C. Ég nota blástur.

2. Setjið lærið í stóran steikingarpott.

3. Bræðið 250g af íslensku smjöri í litlum potti.

4. Takið heilan hvítlauk og kremjið hvern geira fyrir sig. Saxið svo smátt og setjið út í smjörið.

5. Látið malla í stutta stund og hellið þessu yfir lærið.

6. Takið 2 dl af hvítvíni og setjið í botninn á steikingarpottinum.

7. Látið lærið eldast í 1 klst og takið það þá út úr ofninum.

8. Á meðan er allt sem fer í fyllinguna steikt á pönnu þar til hefur brúnast.

9. Setjið fyllinguna í matvinnsluvél eða saxið allt smátt.

10. Skerið í kjötið niður að beini og látið sirka 4 cm vera á milli.

11. Setjið fyllinguna í rifurnar.

12. Bræðið smjörið og parmesanostinn saman í potti og sejið yfir lærið.

13. Setjið kjötið aftur inn í ofn þar til kjöthitamælirinn sýnir 55°C fyrir lítið steikt, 60-65°C fyrir meðalsteikt og 70-75°C fyrir gegnsteikt.

Waldorfsalat:

  • 2 dl rjómi
  • 180g sýrður rjómi
  • 2 epli
  • 20 stk vínber (mér finnst fallegt að hafa bæði græn og rauð)
  • 1/2 stilkur sellerí
  • 1 dl saxaðar valhnetur

Aðferð:

1. Þeytið rjómann

2. Blandið sýrða rjómanum saman við.

3. Flysjið eplin og skerið þau í litla bita

4. Skerið sellerí í litla bita

5. Skerið vínberin í tvennt

6. Brjótið valhneturnar í tvennt

7. Blandið öllu vel saman

8. Geymið í kæli þar til Waldorfsal­atið er borið fram

Ég vona að þetta smakkist vel :)