ALAVIS
April 13, 2021

7 ára gull

Elsku duglega, fallega og góðhjartaða Ísabella okkar er 7 ára í dag <3 Við héldum lítið fjölskylduafmæli um helgina og ætlum síðan að halda stórt afmæli seinna fyrir vinkonur hennar og bekkjarsystur. Ísabella var alsæl með daginn og fékk svo skemmtilegt rafmagnshlaupahjól í afmælisgjöf. Það verður gaman að þjóta út um allt á því í góða veðrinu í sumar. Hún fékk einnig raddstýrðan bluetooth hátalara til þess að hafa inni í herberginu sínu :)

Til hamingju með afmælið ástin mín. Ég elska þig svo mikið <3

March 28, 2021

Danskeppni mars 2021

Um síðustu helgi keppti Ísabella mín á sinni þriðju danskeppni. Hún stóð sig ótrúlega vel og sigraði bæði latin og ballroom. Hérna eru nokkrar myndir frá keppninni. Næsta danskeppni verður síðan haldin 24 - 25 apríl.

Til hamingju elsku ástin mín <3

@ALAVIS.IS
February 25, 2021

Danskeppni febrúar 2021

Ísabella mín keppti á Reykjavik International Games þann 6. febrúar og einnig á annarri danskeppni um síðustu helgi. Þetta var hennar fyrsta dansmót og hún var í 1. sæti í Börn l Sóló í Latin ✔️ og Ballroom ✔️. Hulda Margrét vinkona mín var svo yndisleg að taka myndir af henni á seinni keppninni.

Til hamingju elsku ástin mín. Mamma er svo stolt af þér og elskar þig endalaust mikið <3

Load more posts
November 2, 2020

Halloween fyrir litlar vinkonur

Ísabella bauð fjórum vinkonum sínum í smá Halloween party á föstudaginn. Hún var búin að bíða svo spennt eftir því að labba í hús og safna nammi en þar sem það var ekki hægt þá ákvað ég að gera þetta í staðinn. Þessi dagur er svo skemmtilegur fyrir börnin og allt svona spooky svo spennandi :) Ég læt nokkrar myndir fylgja.

Ég vona að þið hafið átt skemmtilega Halloween helgi.

October 4, 2020

Kjúklingur með rjómaosti, Chili og sólþurrkuðum tómötum.

Þeir sem eru fyrir hvítlauk, chili pipar og rjómaost ættu að prófa þennan bragðgóða kjúklingarétt! Hann er virkileg einfaldur og fljótlegur. Rétturinn inniheldur einnig blaðlauk, rauða papriku og sólþurrkaða tómata sem gefur honum skemmtilegt og öðruvísi bragð. Með réttinum er t.d. hægt að bera fram salat, hvítlauksbrauð eða hrísgrjón. Þó svo að rétturinn innihaldi chili þá er hann alls ekki sterkur því rjóminn og rjómaosturinn mildar chili bragðið.

Allt sem þarf:

➺ 1 bakki kjúklingalundir

➺ 250 g grillaðir sólþurrkaðir tómatar

➺ 1 rjómaostur með grillaðri papriku og chili

➺ 10 cm af blaðlauk

➺ 1 rauð paprika

➺ 6 stk kramin hvítlauksrif

➺ 500 ml rjómi

➺ 50 g íslenskt smjör

➺ Salt, pipar og grænmetiskraftur

Aðferð:

➺ Hitið ofninn í 180°C - blástur

➺ Takið fram pott og steikið blaðlauk, hvítlauk og papriku ásamt chili pipar upp úr íslensku smjöri.

➺ Þegar þetta er farið að brúnast örlítið þá er grænmetistening bætt út í.

➺ Takið sólþurrkuðu tómatana úr olíunni og skerið þá smátt. Setjið þá því næst ofan í pottinn.

➺ Setjið rjóman og rjómaostinn síðast og hrærið vel saman.

➺ Raðið kjúklingalundunum í eldfast mót og kryddið með salti + pipar.

➺ Hellið öllu úr pottinum yfir kjúklinginn og eldið í 40 mínútur.

Berið fram með góðu salati, hrísgrjónum eða hvítlauksbrauði.

Ég vona að þetta smakkist vel.

September 15, 2020

Breytingar heima

Ég gerði smá breytingar hérna heima í maí & var aðeins búin að sýna frá því á Instastory. Ég lét úbúa speglavegg á ganginn hérna heima ásamt því að skipta út nokkrum húsgögnum. Speglavegginn lét ég gera hjá Glerborg en þetta eru sex stykki af Guðbjargarspeglum settir hlið við hlið. Ég er afar ánægð með útkomuna.

Ég sá fyrir mér að hafa svartan marmara nálægt speglunum og pantaði þennan marmarakubb frá S. Helgasyni í litnum NERO MARQUINA. Hann er póleraður með glansandi speglaáferð. Það er t.d. hægt að nota hann sem sófaborð, hliðarborð eða náttborð.

Pampas stráin eru frá versluninni Myrkstore. Þau eru búin að vera ákaflega vinsæl í þó nokkuð langan tíma núna. Stráin koma í mörgum fallegum litum. Hægt er að skoða þau HÉR.

Eins og ég hef oft talað um þá er ég sérstalega hrifin af speglum. Í þessu tilfelli var humyndin sú að nýta rýmið sem best og fegra það í leiðinni.

Með kóðanum "alavis.is" fá lesendur 25% afslátt af speglum hjá Glerborg.

Eigið góðan þriðjudag.

September 4, 2020

Sumarið

Jæja.. ég tók mér aðeins of langt bloggsumarfrí! Í sumar ferðuðumst við mikið innanlands en íslenska sumarið er alltaf jafn fallegt. Þeir staðir sem stóðu algjörlega upp úr í ár voru:

➺ Jarðböðin við Mývatn

➺ Geosea á Húsavík

➺ Grjótagjá

➺ Giljaböðin Húsafelli

➺ Lystigarður Akureyrar

➺ Bláa lónið

➺ Þingvellir

➺ Vestmannaeyjar

Núna er ég tilbúin fyrir fallegu haustlitina og bíð spennt eftir að fá snjó til þess að komast á skíði :)

Hér koma nokkrar myndir frá sumrinu..

Gullið mitt byrjaði í 1. bekk í ágúst og ég er svo stolt af duglegu stelpunni minni <3

I am always with you. Be brave, have courage and love life.

Ég vona að sumarið ykkar hafi verið gott. Þangað til næst :)