ALAVIS
July 22, 2019

Afmælisveisla

Á laugardaginn hélt ég upp á afmælið mitt hérna heima í Garðabæ og var kvöldið virkilega skemmtilegt í alla staði. Það var mikið hlegið, dansað og borðað! Ég læt nokkrar myndir fylgja en ég gleymi þessu kvöldi seint!

Auðvitað var myndataka!

Þessi blóm eru svo sumarleg og sæt. Ég einfaldlega elska allt við sumarið!

Ég er aldrei að pissa á mig úr hlátri nema í kringum hana Önnu Ýr mína. Hún er bara hrikalega orðheppin og fyndin mannvera sem tekur lífinu ekki allt of alvarlega. Það gerðist ósjaldan á Tenerife í síðasta mánuði að ég grenjaði bókstaflega úr hlátri út af henni. Sérstaklega þegar við vorum komnar með svefngalsa! :D

Fallega afmæliskakan mín var frá Sætum syndum. Ég valdi vanillubotna með saltkaramellu og smjörkremi. Ég er einstaklega hrifin af þessari samsetningu! Mig langaði í marmaraköku með makkarónum og var ekkert lítið glöð þegar ég sá þessa í kassanum. Hún var alveg eins og ég hafði óskað mér. Algjört listaverk hjá þeim og svo bragðgóð eins og alltaf.

Það er fastur liður að hafa myndabox frá Selfie.is í öllum afmælisveislum. Mér finnst þetta svo sniðug lausn til þess að varðveita minningar á einfaldan hátt. Þá getur fólk bara tekið sjálft myndir og ég þarf ekki að vera með myndavélina mína á lofti allt kvöldið. Þetta hentar mér sérstaklega vel þar sem ég vil helst festa allt á filmu til þess að rifja upp síðar. Selfie.is voru að fá glænýtt myndabox sem ég fékk að vígja. Það er án efa flottasta boxið sem þeir hafa verið með að mínu mati. Þetta er s.s. spegill+myndavél en það er hægt að sjá myndir inni á Instgram-inu mínu undir "Highlight" og "Afmælið mitt". Ég valdi þennan fallega bakgrunn fyrir afmælið sem er sérstaklega sumarlegur og passaði vel við.

Allar veitingarnar sem ég bauð upp á í afmælinu (fyrir utan afmæliskökuna) voru úr Nettó.

Eigið ljómandi góðan dag!