ALAVIS
July 24, 2016

Gulrótarkaka

Í gær bjó ég til þessa ljúffengu Gulrótarköku, en hún klikkar aldrei! Mér finnst rosa gott að gera mér dagamun um helgar & Gulrótarkakan er fín tilbreyting frá gömlu, góðu Skúffukökunni. Kakan er sérlega bragðgóð & það er ekkert verra að hafa rjóma með 😉 Hér að neðan má finna uppskriftina sem ég nota.
Hér er allt sem þarf:
350 gr. hveiti, 400 gr. rifnar gulrætur, 200 gr. sykur, 100 gr. púðursykur, 4 egg, 2 dl. matarolía, 2 tsk. lyftiduft, 1 tsk. matarsódi, 2 tsk. kanill, 1 tsk. múskat, 1 bolli heslihnetumulningur, 1 tsk. salt, 1 msk. vanilludropar.
Aðferð:
Hitið ofninn í 180°C & smyrjið 2 kringlótt form. Setjið egg, sykur & púðursykur í hrærivélina, ásamt matarolíunni & vanilludropunum. Bætið næst þurrefnunum út í & hrærið vel saman. Í lokin eru gulræturnar & hneturnar settar út í blönduna. Skiptið deiginu í formin & bakið í 45 mín.

Krem:
100 gr. íslenskt smjör – við stofuhita, 250 gr. rjómaostur, 5 dl. flórsykur, 3 tsk. vanilludropar.
Glasið á myndinni er Kastehelmi frá iittalla í litnum Salmon pink.
Ég vona að gulrótarkakan bragðist vel!