Gulrótarkaka með rjómaostakremi

Í gær gerði ég þessa Gulrótarköku með rjómaostakremi og sítrónukeim. Ég hef alltaf verið hrifin af Gulrótarkökum og þessi uppskrift klikkar seint!

‍

Hér er allt sem þarf:

300 g hveiti

2 tsk matarsódi

3 tsk kanill

1/2 tsk salt

3 egg

350 g sykur

150 ml nýmjólk

2 tsk vanilludropar

2 bollar rifnar gulrætur

1 dós ananaskurl (lítil dós)

150 g kókosmjöl

100 g brytjað suðusúkkulaði

‍

Aðferð:

1. Þeytið egg og sykur vel saman.

2. Bætið mjólk og vanilludropum saman við.

3. Hveiti, matarsódi, kanill og salt kemur næst út í skálina.

4. Kókosmjöl, gulrætur og ananas kemur síðast ásamt súkkulaðinu.

5. Smyrjið form og bakið við 180°C í 45 mínútur. Látið botninn kólna. Skerið hann í tvennt (einnig hægt að nota tvö minni mót) og smyrjið kremi á milli (best að láta botninn kólna alveg, annars lekur kremið af stað). Setjið því næst krem yfir alla kökuna.

‍

Krem:

500 g rjómaostur frá Gott í matinn

500 g flórsykur

2 msk mjúkt íslenskt smjör

1 msk rjómi

1 tsk sítrónusafi

2-3 tsk vanilludropar

‍

Allt hrært vel saman og smurt á kökuna þegar hún hefur kólnað. Ef kremið er of lint er hægt að bæta við smá flórsykri.