ALAVIS
February 4, 2018

Humarsúpa

Ég gerði þessa humarsúpu á gamlársdag og steingleymdi að setja hana hingað inn.. en betra seint en aldrei:) Hún var mjög bragðgóð og ég mæli mikið með.

1 kg Humar

Íslenskt smjör

3 laukar

Hvítlaukur

Blaðlaukur

Gulrætur

½ Steinseljubúnt (smátt saxað)

½ Kóríanderbúnt (smátt saxað)

Tómatpúrra

1-2 dl hvítvín

Rjómi

Fiskikraftur

Salt & Cayennepipar

Karrý

Skolið humarinn vel, takið hann úr skelinni og setjið til hliðar. Steikið skeljarnar upp úr íslensku smjöri og hvítlauk í u.þ.b. 10 mínútur. Bætið þá lauknum, blaðlauknum og gulrótunum út í pottinn. Næst er karrý, steinselja og kóríander sett saman við ásamt salti og cayenne-pipar. Steikið áfram í 10 mínútur. Hrærið tómatpúrrunni saman við. Hellið hvítvíninu út í pottinn. Leysið 2 teninga af fiskikrafti upp í litlum potti með 1 lítra af vatni og hellið út í stærri pottinn. Látið sjóða í 5. mínútur og hellið þá 1 lítra af rjóma út í súpuna. Látið súpuna malla á vægum hita í 1 klst. Sigtið skeljarnar og grænmetið frá í lokin og setjið humarinn út í súpuna í stutta stund. Setjið 1 msk af þeyttum rjóma ofan á miðja súpuna áður en hún er borin fram. Saltið til eftir smekk.

Ég vona að súpan smakkist vel!:)