September 23, 2015
Kjúklingalundir með möndlum, fetaosti & sætum kartöflum, ásamt safaríku spínati & kasjúhnetum
– sponsored –
Þessi réttur er einfaldur, hollur og bragðgóður. Hann er ekki síðri upphitaður daginn eftir!
Uppskrift:
1 pakki kjúklingalundir
2 laukar
2 sætar kartöflur
1 krukka fetaostur í kryddolíu
1 dl möndlur
1 dl kasjúhnetur
1 poki spínat
Íslenskt smjör til steikingar
Aðferð..
Hitið ofninn í 180°C á blástur. Skerið sætu kartöflurnar í sneiðar og raðið þeim í eldfast mót. Penslið þær með olífuolíu og kryddið með salti og pipar. Setjið kartöflurnar inn í ofn og á meðan er kjúklingurinn steiktur á pönnu. Ég krydda kjúklinginn með salti, pipar og kjúklingakryddi. Það er í rauninni hægt að nota hvaða krydd sem er.. bara eitthvað sem þér finnst gott með kjúkling.
Steikið kjúklingalundirnar þangað til þær taka á sig smá lit.
Þá er komið að því að taka sætu kartöflurnar út úr ofninum. Dreifið spínatinu yfir sætu kartöflurnar og kjúklingnum yfir spínatið.
Í lokin er möndlunum, kasjúhnetunum, lauknum og fetaostinum hellt yfir kjúklingalundirnar og sett inn í ofn í 30. mínútur. Ég vona að rétturinn smakkist vel!:)
