ALAVIS
December 12, 2017

Kókoskaka með jarðarberjafyllingu

Ég veit fátt betra en súkkulaðihúðuð jarðarber nema þá kannski þessa Kókosköku með jarðarberjafyllingu og súkkulaðibitum. Eitt það skemmtilegasta við desember er að baka sitt lítið af hvoru og bjóða fjölskyldunni í kósýstund. Hérna er splunkuný uppskrift sem er afar ljúffeng og bráðnar í munninum með kaffinu.

Hér er allt sem þarf:

4 eggjahvítur

1 bolli sykur

2 bollar kókosmjöl

100 g brytjað suðusúkkulaði eða spænir

1/4 tsk lyftiduft

Á milli:

 2 dósir Ísey jarðarberjaskyr 

1 peli rjómi

1 dós jarðarber

Ofan á: 

Það er hægt að skreyta kökuna með hverju sem er. Ég notaði fersk jarðarber, mulið Maltesers og Daim kurl í pokum. Í lokin útbjó ég karamellusósu en þá bræddi ég saman smá daim og rjóma í litlum potti og hellt yfir allt í lokin.

Byrjið á því að hita ofninn í 150°C. Stífþeytið eggjahvíturnar og bætið svo sykrinum rólega saman við. Kókosmjöl, lyftiduft og smátt brytjað suðusúkkulaði er því næst hrært saman við með sleif. Þá er komið að því að smyrja 2 form (einnig hægt að nota bökunarpappír) og skipta blöndunni jafnt á milli. Bakið í 30 mínútur og látið kólna. Næst er rjóminn þeyttur og tveimur dósum af jarðarberjaskyri hrært saman við með sleif ásamt einni dós af jarðarberjum (vökvinn sigtaður frá). Þá er blöndunni smurt á milli botnanna og að lokum er kakan skreytt.

Ég vona að þið njótið vel!