ALAVIS
October 12, 2019

Sagði einhver pasta!

Stökka beikonið, smjörsteiktu sveppirnir og hvítlaukurinn gerir þetta kjúklingapasta bara svo delicious!

Hérna kemur uppskriftin..

Hráefni:

1 bakki kjúklingalundir

1 bréf beikon

500g ferskt pasta ravioli m/osti og spínati frá Pastella

1 bakki sveppir

2 laukar

4 kramin hvítlauksrif

2 lúkur spínat

½ Óðals Tindur frá MS

500 ml rjómi (frá Gott í matinn)

½ Parmesanostur

Íslenskt smjör til steikingar

Aðferð:

1. Byrjið á því að steikja beikonið þar til það verður fallega brúnt á litinn. Sigtið þá beikonið frá og setjið í skál til hliðar.

2. Steikið kjúklingalundirnar upp úr 50 g af íslensku smjöri þar til eldaðar í gegn. Látið þær kólna og skerið svo í litla bita.

3. Þá er komið að því að steikja sveppina upp úr 50 g af íslensku smjöri, síðan laukinn og að lokum hvítlaukinn.

4. Blandið öllu hér að ofan vel saman.

5. Saxið spínatið mjög smátt og hellið út á pönnuna.

6. Takið fram pott og sjóðið pastað í 3 mínútur. Hellið öllu vatninu af.

7. Bræðið Tind og parmesanostinn í rjómanum í öðrum potti.

8. Setjið pastað út í sósuna og blandið öllu vel saman áður en þið berið réttinn fram.

Í október, eða Ostóber eins og MS kýs að kalla mánuðinn, er gæðum og fjölbreytileika íslenskra osta fagnað. Mjólkursamsalan framleiðir úrval osta sem landsmenn þekkja vel en sumir ostanna eru minna þekktir og færri hafa smakkað. Í Ostóber hvetur MS alla til að borða sína uppáhalds osta, smakka nýja og prófa spennandi uppskriftir þar sem íslenskir ostar koma við sögu. Í uppskriftinni hér að ofan notaði ég Óðals Tind sem er einn uppáhalds osturinn minn. Hann er með mjög sérstöku bragði og er einnig æðislegur ofan á ristað brauð.

Ég vona að þetta smakkist vel :)