ALAVIS
December 20, 2018

Jólagjafaleikur nr. 2

Fyrir stuttu síðan sagði ég ykkur frá krullujárni sem ég er svo hrifin af & heitir CREATIVE CURL WAND. Krullujárnið er frá merkinu GHD & er með þeim bestu á markaðnum í dag. Járnið gefur hárinu fallega, mjúka liði en mér finnst fallegast að greiða létt í gegnum krullurnar í lokin til þess að hafa þær náttúrulegri. Helsti kosturinn við krullujárnið er sá að það þarf aðeins að halda hverjum lokk í 8. sekúndur. Járnið fer upp í ákveðið hitastig & skemmir ekki hárið eins & mörg járn gera. Tækið slekkur sjálfkrafa á sér eftir 30 mínútur ef það hefur ekki verið hreyft.

Í dag ætla ég að gefa uppáhalds krullujárnið mitt frá GHD og frábærar hárvörur frá Sebastian. Í pakkanum er meðal annars sjampó, næring og mótunarvörur. Einnig leynist Dark Oil með í pakkanum sem gerir hárið silkimjúkt og glansandi. Olían endurnýjar hárið að utan með silkimjúkri áferð og fyllingu. Svo er lyktin af henni unaðsleg!

Gjafaleikurinn fer fram á Facebook- og Instagramsíðu Alavis.is.

➺ https://www.facebook.com/alavis.is/

➺ https://www.instagram.com/alavis.is/

Ég vona að þið eigið góða helgi.

December 13, 2018

Jólagjafaleikur

Í dag er ég mjög spennt að gefa fyrstu jólagjöfina í samstarfi við Inglot Iceland. En ég ætla að gefa þessa gullfallegu Makeuptösku sem inniheldur allskonar glæsilegar snyrtivörur fyrir jólin. Í töskunni leynast einnig vörur sem Jennifer Lopez hannaði með Inglot.

Pigmentin frá Inglot eru ótrúlega falleg og fullkomin yfir hátíðirnar.

Jólagjafaleikurinn fer fram á Facebooksíðu Alavis.is. Hægt er að taka þátt með því að smella HÉR. Ég dreg svo út vinningshafa á sunnudaginn.

Eigið góða helgi.

November 23, 2018

GLOW LIKE JLO

Um daginn var ég svo heppin að fá að prófa snyrtivörurnar sem Jennifer Lopez gerði í sam­starfi við Inglot Cos­metics. JLo hannar allt sjálf sem er sérstaklega skemmtilegt en hún hefur veitt konum innblástur í áratugi. Vörurnar eru parabenlausar og ekki prófaðar á dýrum.

Ég fékk þennan fallega kassa frá Inglot sem inniheldur fullt af fallegu make-up-i.

Í gær var ég förðuð hjá Inlgot þar sem eingöngu voru notaðar vörur frá Jennifer Lopez. Ég var virkilega ánægð með útkomuna og alltaf gaman að prófa eitthvað nýtt.

Það er sko nóg til af fallegu make-up-i fyrir jólin hjá Inglot!

Í dag byrjaði Black Friday hjá Inglot og núna er 30% afsláttur af öllu inná www.inglot.is og í búðinni frá föstudegi til sunnudags.

Ég vona að þið eigið góðan dag!

Load more posts
November 16, 2018

Good hair day

Góðan dag! Í dag langaði mig að sýna ykkur nýtt tæki sem ég var að eignast og mun koma sér einstaklega vel fyrir desembermánuð. Keilan sem um ræðir er frá merkinu GHD og stendur fyrir good hair day! Öll járnin frá GHD eru fyrsta flokks og eru með þeim bestu á markaðnum í dag! Keilan sem ég fékk mér heitir creative wave wand og gefur allt frá fallegum krullum í náttúrulega og afslappaða liði.

Ég byrjaði á því að krulla allt hárið og tók svo efstu lokkana sem liggja ofan á og krullaði þá enn meira. Þegar allt hárið var orðið vel krullað greiddi ég létt í gegnum krullurnar til þess að fá soft liði.

Þetta er góð tilbreyting þar sem hárið mitt er alltaf svo rennislétt!

Það er nóg að halda hverjum lokk í 8 sekúndur.

Fyrir þær sem vilja eignast þessa keilu fyrir jólamánuðinn þá fæst hún á eftirtöldum stöðum:

harland.is

Sjoppan

Crinis

Korner

Topphár

Ég vona að þið eigið góða helgi.

November 11, 2018

Jóladagatal

Ég er algjört jólabarn og allt sem tengist jólunum að einhverju leyti finnst mér ótrúlega skemmtilegt. Núna styttist heldur betur í desembermánuð og ég get varla beðið. Ég fékk þetta fallega jóladagatal frá Krónunni um daginn sem inniheldur allskonar snyrtivörur. Augnskugga, varaliti, gloss og naglalökk svo eitthvað sé nefnt. Það eru allskonar snyrtivörudagatöl í boði en mesta úrvalið er þó í stærri verslunum Krónunnar. Mér fannst þetta silfurlitaða fallegast og þess vegna valdi ég það. Dagatölin eru falleg og skemmtileg gjöf fyrir dömur á öllum aldri sem nota snyrtivörur.

Ég var aðeins að breyta hérna heima fyrir jólin, enda finnst mér fátt skemmtilegra en að stílisera heimilið. Ég gerði herbergið "stelpulegra" en ég fæ mjög fljótt leið á hlutum og langar oft bara að skipta öllu út. Ég er aðeins byrjuð að jólaskreyta (reyndar svolítið síðan) og reyni að gera það svona smám saman. Ég finn að það styttist í að ég fari "all in" ef þið skiljið hvað ég meina :D

Jóladagatalið er fallegt skraut líka..

Herbergið er alveg að verða klárt. Mig langar í svona kúluljós hringinn í kringum spegilinn fyrir ofan snyrtiborðið. Þarf að athuga hvort ég finni ekki svoleiðis. Hvernig líst ykkur annars á?

October 18, 2018

GET IT ON. GLOW. REPEAT.

Í dag langaði mig að sýna ykkur snyrtivörurnar sem ég hef verið að nota síðustu mánuði. Ég nota alltaf All hours farðann frá YSL en hann hentar minni húð vel þar sem ég er með olíukennda húð. Ég hef alltaf svekkt mig mikið á því að vera með olíukennda húð þangað til ég spjallaði við læknir og doktor í lýðheilsuvísindum sem sagði við mig að ég kæmi til með að þakka fyrir þessa húðtegund seinna meir. Því hún vildi meina að þeir sem væru með olíukennda húð fengju miklu síður hrukkur heldur en þeir sem eru með þurra húð. Svona eftir á að hyggja meikar þetta auðvitað mikin sens og ég þarf ekki að pirra mig á þessu lengur:)

Farðinn helst vel á allan daginn þrátt fyrir olíukenndu húðina mína. Ég set stundum laust púður yfir en það er í rauninni óþarfi fyrir þær sem eru með þurra húð.

Ég hef verið að nota glow pallettuna frá Urban Decay yfir farðann sem ég er sérstaklega hrifin af. Litirnir eru þéttir og það þarf lítið í hvert skipti sem er merki um að varan sé góð.

Kinnaliturinn sem ég nota mest heitir Kiss off og er lengst uppi til vinstri. Liturinn neðst til hægri er svo mjög fallegur á kinnbeinin.

Síðasta varan sem mér finnst gera mikið fyrir makeupið er YSL Touche Éclat gullpenninn. Ég nota hann undir augun og mér finnst hann birta þau upp.

Ég vona að þið eigið góðan fimmtudag!

September 20, 2018

Mátun - video blogg

Í dag sýni ég ykkur 8 dress úr mismunandi verslunum í Smáralind. Í myndbrotinu klæðist ég fötum úr Vero Moda, Comma, Cortefiel og Karakter. Takk fyrir að horfa! Góða helgi..