ALAVIS
April 30, 2020

Sumarið er komið

Yndislegt að sumarið sé komið og þessir skrýtnu mánuðir á bak og burt! Við Ísabella erum svo spenntar að byrja aftur í íþróttunum á næstu dögum. Án efa bjartir og skemmtilegir mánuðir framundan.

Síðustu vikur hafa einkennst af mikilli og skemmtilegri útiveru.

Alltaf svo gaman að fara út að hjóla :) Ísabella mín þarf nú að fá stærra hjól sem allra fyrst. Hún stækkar svoooo hratt!

Sólin hefur verið dugleg að láta sjá sig síðustu daga og má bara endilega halda því áfram!

Eigið góðan og sólríkan dag :)

April 7, 2020

Hollur mangóís

Þessi mangóís inniheldur aðeins fjögur hráefni og er sérstaklega frískandi. Það er mjög gott að skera niður suðræna ávexti og bera fram með ísnum.

Allt sem þarf:

2 stk ferskt mangó (vel þroskað)

2 dl Grísk jógúrt frá Gott í matinn

1 dl lífrænt hunang

1 tsk sítrónusafi úr ferskri sítrónu

Aðferð:

1. Skerið mangóið niður í teninga og setjið inn í frysti í 2 klst.

2. Setjið gríska jógúrt í blandara og mangóteningana ofan á.

3. Kreistið sítrónusafann ofan í blandarann.

4. Hunangið fer síðast þegar búið er að blanda hinu vel saman.

5. Setjið ísinn í álform og inn í frysti þar til hann hefur stífnað.

6. Berið fram með t.d. niðurskornum ávöxtum og súkkulaðisósu úr 70% súkkulaði.

Ísinn verður mun skærari eftir að búið er að frysta hann sem gerir hann nú svolítið páskalegan!

Ég vona að þetta smakkist vel :)

March 30, 2020

Speglapælingar

Í byrjun marsmánaðar datt mér í hug að breyta aðeins um stíl hérna á heimilinu. Ég er búin að liggja yfir Pinterest og öllum hönnunartímaritum sem ég hef komist yfir til þess að fá innblástur. Núna er ég búin að skipta út öllum hvítum húsgögnum í stofunni & eldhúsinu og kem til með að sýna ykkur myndir af því fljótlega. Það sem ég er hinsvegar spenntust fyrir er speglaveggur sem ég pantaði hjá Glerborg með svörtum álrömmum. Speglarnir skiptast niður í sex parta og verða þá eins og listaverk á veggnum. Ég veit að þetta á eftir að koma sérstaklega vel út og hlakka mikið til að sjá útkomuna, vonandi á næstu dögum.

Að mínu mati geta speglar gjörbreytt rýminu. Hvort sem þeir eru til hagnýtrar notkunar eða skrauts. Speglar stækka rýmið og dreifa birtu auk þess að vera sérstaklega fallegir. Ég er með marga spegla frá Glerborg hérna heima. Meðal annars þennan hringspegil í stofunni úr lituðu gleri. Ég er búin að eiga hann í nokkur ár núna og fæ alltaf margar spurningar hvaðan hann er. Ég elska hann!

Á veggnum beint fyrir framan mig á myndinni kemur fallegi speglaveggurinn sem ég bíð svo spennt eftir. Ég sé hann fyrir mér í huganum þangað til!

Mig langar einnig að sýna ykkur spegilinn sem ég nota mest og er inni á baði. Hann er með ljósi á hvorri hlið og gefur frá sér hvítt og bjart ljós sem gefur raunsanna mynd við andlitsförðun. Hjá Glerborg er hægt að finna fjölbreytt úrval ljósaspegla auk ótal útfærslumöguleika.

Allir ljósaspeglar hjá Glerborg eru á 30% afslætti fram að páskum og um að gera að nota tækifærið í þessari miklu inniveru og dytta að heimilinu.

Ég vona að þið eigið góðan mánudag :)

Load more posts
March 26, 2020

Marineraður Hvítlaukskjúklingur

Jæja.. þó svo að það sé búið að loka nánast öllu þá er nú alltaf hægt að elda góðan mat og hafa kósý heima! Ég gerði þennan rétt í hádeginu fyrir fjóra og það voru allir sammála um að þetta væri mjög bragðgott. Ég er sjálf mikið fyrir ristaðan hvítlauk. Hvort sem það er á kjúkling, humar eða á lambakjöt. Í þessum rétti er einnig notað hvítvínsedik, hunang, og sojasósa. Þetta er einn uppáhalds kjúklingarétturinn minn og ég mæli svo sannarlega með að þið prófið. Þessi réttur er ekki síðri daginn eftir.

Uppskrift fyrir 6.

Allt sem þarf:

✓ 6 kjúklingabringur

✓ 6 kramin hvítlauksrif

✓ 2 tsk hvítlauksduft

✓ 1/3 bolli hunang

✓ 1/4 bolli vatn

✓ 2 msk hvítvínsedik

✓ 1 msk sojasósa

Krydd: Gróft salt, svartur nýmalaður pipar og eðal kjúklingakrydd.

Aðferð:

1. Byrjið á því að krydda kjúklingabringurnar og steikið þær upp úr kókosolíu eða olífuolíu á meðalháum hita þar til þær eru orðnar fallega gylltar á báðum hliðum og eldaðar í gegn.

2. Setjið kramda hvítlaukinn á pönnuna meðfram kjúklingnum og látið brúnast.

3. Setjið hunang, vatn, hvítvínsedik og sojasósu út á pönnuna og látið malla þar til sósan er byrjuð að þykkna vel.

4. Þegar sósan er tilbúin finnst mér gott að taka matskeið og hella vökva yfir kjúklinginn nokkrum sinnum.

5. Í lokin getur verið girnilegt að saxa smá steinselju yfir eða raspa smá blaðlauk.

6. Berið fram með hrísgrjónum, steiktu grænmeti eða salati.

Ég vona að þetta smakkist finger lickin' good ;)

March 6, 2020

Sólrós

Ísabella mín var beðin um að vera í ljósmyndaverkefni fyrir stuttu síðan hjá henni Huldu Margréti ljósmyndara. Ég var nú ekki lengi að samþykkja það enda er Hulda sérstaklega fær með börn og nær fram því besta hjá þeim. Hún leggur mikla áherslu á vönduð vinnubrögð og hefur mikla ástríðu fyrir ljósmyndun. Ég fékk myndirnar sendar í dag og þær eru alveg dásamlega fallegar.

Á myndunum er Ísabella í fatnaði frá Sólrós en verslunin sérhæfir sig í vönduðum fatnaði og skóm sem hentar við margskonar tækifæri, hvort sem þau eru hversdags, fermingar, afmæli, brúðkaup og fleira. Fötin eru tímalaus, endingargóð og einstaklega falleg.

Þessar myndir fara sko upp á vegg hérna heima! <3

Ég mæli með að kíkja á heimasíðuna hjá Sólrós og skoða allt það fallega sem til er.

Ella kjóll

Doris skór

Fjaðraspöng

Ég vona að þið eigið góðan dag :)

March 4, 2020

Hakkbollur

Í gær eldaði ég hakkbollur en þær eru alltaf jafn visælar hjá börnum og fullorðnum. Þessi uppskrift sem ég deili með ykkur gerir u.þ.b. 20 meðalstórar bollur. Mér finnst virkilega þægilegt að eiga þessar í frysti og hita upp. Það er einnig tilvalið að leyfa börnunum að hjálpa til við að úbúa hringlaga bollur áður en þær eru settar á pönnuna og inn í ofn.

Allt sem þarf:

1 pakki nautahakk

3 egg

1 laukur

4 hvítlauksgeirar

Einn poki Mozzarella ostur frá Gott í matinn

Fersk basilíka (ekki stilkarnir)

Rúmlega 1/2 pakki Ritz kex

Krydd:

Salt, pipar, hamborgarakrydd

Aðferð:

1. Hitið ofninn í 150°C blástur.

2. Kryddið hakkið með grófu salt, svörtum pipar og hamborgarakryddi.

3. Setjið lauk, hvítlauk og basilíku í matvinnsluvél.

4. Bætið krydduðu hakkinu, Ritz kexi og eggjunum út í matvinnsluvélina og blandið vel saman þar til allt er orðið eins og kjötfars.

5. Í lokin er mozzarella ostinum blandað saman við.

6. Hitið 50g íslenskt smjör á djúpri pönnu.

7. Útbúið meðalstórar bollur og brúnið á miðlungs hita.

8. Setjið pönnuna síðan inn í ofn í 15. mínútur áður en þið berið þær fram. Ef pannan má ekki fara inn í ofn þá er hægt að nota eldfast mót.

9. Mér finnst gott að hafa kjötbollusósu, sultu og kartöflumús með þessum bollum en það er valfrjálst og algjört smekksatriði.

Ég vona að þetta smakkist vel :)

February 17, 2020

Af hverju er döðlugott svona gott?

Hver kannast ekki við Döðlugott? Það er eitthvað svo gott að blanda saman svona crunchy og sætu. Mér finnst þetta hrikalega gott og get alveg legið í þessum bitum þegar ég byrja. Það er ekkert skrýtið að þetta sé það fyrsta sem klárast í afmælisveislum! Þessi uppskrift er af klassísku Döðlugotti. Sumum finnst gott að bæta við salthnetum, lakkrís eða snickers en mér finnst þetta best svona plain.

Allt sem þarf:

400 gr döðlur (ég nota saxaðar)

300 gr íslenskt smjör

3 bollar rice krispies

150 gr púðursykur

200 gr suðusúkkulaði

Aðferð:

1. Smjörið er brætt í potti og púðursykrinum bætt saman við.

2. Döðlunum er því næst hellt út í pottinn og allt látið malla saman þar til döðlurnar eru orðnar vel mjúkar.

3. Næst er rice krispies hrært vandlega saman við blönduna á lágum hita.

4. Bökunarpappír er settur ofan í eldfast mót og blöndunni þrýst vel niður í botninn.

5. Suðusúkkulaðið er brætt í litlum potti á lágum hita og hellt yfir rice krispies blönduna.

6. Þetta er síðan sett inn í ísskáp og skorið niður í litla kubba áður en borið fram.

Er einhver kominn með vatn í munninn? :D

Ég vona að þetta smakkist vel :)