ALAVIS
June 3, 2020

Hvítasunnuhelgin

Um helgina heimsóttum við Slakka sem er lítill húsdýragarður í Laugarási, Biskupstungum. Það tekur u.þ.b. 1 klst og 20 mínútur að keyra þangað frá Garðabæ. Þar í kring er mikil náttúrufegurð og einstök upplifun fyrir börnin. Eftir Slakka fór Ísabella á hestbak á Syðra-Langholti rétt hjá Flúðum sem var mikið stuð! :)

Það eru margir kettlingar í Slakka núna sem var mikið gleðiefni fyrir dýrakonuna mína! Við hittum á mjög gott veður en það er best að reyna stóla upp á sól og logn. Þá er hægt að njóta sín vel og lengi í garðinum.

Þessi litli, sæti kettlingur bræddi í mér hjartað! Hann var svolítið mikið þreyttur enda tekur á að stækka svona hratt! :)

Mjáwww..

Ég vona að helgin ykkar hafi verið góð :)

December 10, 2019

Húsafell Giljaböð

Í sumar fékk ég að heimsækja nýtt og spennandi verkefni sem var í byggingu. Þetta er einn fallegasti staður landsins að mínu mati. Ég hef sjaldan fengið jafn mörg skilaboð eftir að ég sýndi frá Giljaböðunum á Instastory og fólk vildi vita hvar þessi draumastaður væri. Núna get ég sagt betur frá því þar sem hann er loksins tilbúinn og tekinn til starfa. Staðurinn sem um ræðir eru Giljaböðin Húsafelli og eru ekta íslensk náttúruböð í gullfallegu umhverfi. Böðin eru byggð úr náttúrusteini úr gilinu og notast er við heitar uppsprettur frá staðnum. Við hönnun og byggingu var mikið lagt upp úr því að þau falli sem best inn í náttúruna. Það má með sanni segja að það hafi tekist vel til.

Sólsetrið í gilinu eru engu líkt og stundum er einnig hægt að sjá norðurljósin.

Ferðir í giljaböðin eru í boði allan ársins hring með íslensku- og enskumælandi leiðsögumanni. Ferðin er farin frá nýju afþreyingarmiðstöðinni á Húsafelli.

Í dag ætla ég að vera með skemmtilegan leik í samstarfi við Husafell Canyon Baths og gefa einum heppnum vinkonu- eða fjölskylduhóp ferð í Giljaböðin 😍

Hægt er að taka þátt á Facebook- og Instagramsíðu Alavis.is

photo credit: ozzo-photography

July 12, 2019

Vinkonuferð til Tenerife

Í gær komum við heim til Íslands eftir frábæra ferð til Tenerife. Ég hef alltaf verið svo spennt að koma heim frá útlöndum en í fyrsta skipti á ævinni langaði mig ekkert heim. Bara alls ekki! Ég veit að ekkert varir að eilífu en vááá hvað ég vildi að þessi ferð hefði gert það. Djöfull var þetta gaman! Afsakið orðbragðið.

Ísabella mín breyttist í hafmeyju í ferðinni og var alltaf í sundi. Hún var svo glöð alla ferðina og naut sín í botn! Þegar ég spurði hana í gærkvöldi hvort hún væri ekki bara ánægð að vera komin heim sagði hún: "ekkert svo". Það eru alltaf viðbrigði að koma heim. Sérstaklega þegar það er búin að vera skemmtidagskrá upp á dag í 10 daga.

Ég fékk svo margar fyrirspurnir út í hótelið á meðan við vorum úti. En hótelið heitir Hard Rock hótel og var mjög fínt. Ég á 100% eftir að fara þangað næst þegar ég fer til Tenerife.. sem verður nú pottþétt ekki eftir langan tíma ef ég þekki sjálfa mig rétt! :)

Sjá þessa fegurðardís sem ég á! <3 Hún gerir alla daga svo miklu betri.

Þarna var gott að vera! Sakna strax..

Anna Ýr mín í góðum gír!

Ísabella mín eignaðist vinkonu frá Englandi sem var einu ári eldri. Þær náðu ótrúlega vel saman og voru algjörar dúllur.

Ég ætla ekki að hafa þetta lengra. Ég vona að júlí og ágúst verði sólríkir hérna heima. Annars segi ég bara góða helgi!

Load more posts
September 13, 2018

Lignano á Ítalíu

Í sumar byrjuðu Heimsferðir að bjóða íslendingum upp á nýjan áfangastað á Ítalíu sem heitir Lignano Sabbiadoro. Ég hef komið til Mílanó og Rómar en aldrei á þessar slóðir áður. Þess vegna var ég mjög spennt að skoða og upplifa þennan nýja áfangastað Heimsferða á Ítalíu. Ég var á hóteli sem heitir Florida og er alveg við ströndina sem var mikill kostur. Lignano er sérstaklega fjölskylduvænn staður og hef ég til dæmis aldrei séð jafn mikið af leiktækjum fyrir börn á ströndinni eins og í Lignano. Það er örstutt að fara í fjölbreytta og skemmtilega afþreyingu s.s. glæsilegan vatnsrennibrautagarð, tívolí og dýragarð svo eitthvað sé nefnt. Ég er svo sannarlega búin að ákveða að fara aftur þangað út sem allra fyrst. Enda var þetta ógleymanleg ferð. Það var mikill kostur að flugið var stutt og þægilegt eða u.þ.b. 4 klst. Veitingastaðirnir í Lignano eru mjög fjölbreyttir, fínir og snyrtilegir. Ég hef alltaf verið mikið fyrir ítalskan mat og hann stóð vel fyrir sínu. Verslunargatan í Lignano er risastór með mikið af fallegum verslunum með fjölbreyttu úrvali.
STUTT FRÁ LIGNANO ER BIBIONE. ÞAR ERU ENNÞÁ FLEIRI VERSLANIR OG VEITINGASTAÐIR ÁSAMT SKEMMTILEGRI STRÖND.
Þessi fallegi staður í Lignano heitir Sabbiadoro Beach Bar & Restaurant. Hann er nánast á ströndinni og þarna er mikið líf og fjör yfir daginn.
Á verslunargötunni í Lignano er stór og flott hringekja. Sú allra flottasta sem ég hef séð. éG SKELLTI MÉR Í HANA MEÐ ÖLLUM BÖRNUNUM!! :D
Ströndin í Lignano er mjög fjölskylduvæn. Það er aðgrunnt við ströndina sem hentar vel fyrir litla fætur. Það er mikil gæsla á ströndinni og allt tandurhreint og fínt.
Eins og sést á þessari mynd er ströndin ansi löng og breið.
Ef einhver er að hugsa um að skella sér í frí til Lignano næsta sumar þá get ég svo sannarlega mælt með bæði Lignano og Bibione. Það er alltaf gaman að prófa eitthvað nýtt.

ef einhverjar spurningar vakna þá er alltaf velkomið að senda mér línu á netfangið mitt: alavis@alavis.is

hér er hægt að lesa meira um LIGNANO OG BIBIONE og bóka ferð hjá heimsferðum.

Ég vona að þið eigið góðan dag:)
September 12, 2018

Feneyjar

Á mánudaginn kom ég heim frá Ítalíu eftir stórskemmtilega tíu daga ferð. Ég og vinkona mín vorum á hóteli í Lignano og kíktum líka mikið yfir til Bibione sem er örstutt frá. Við fórum einnig í dagsferð til Feneyja sem var ógleymanleg upplifun.
Ég var auðvitað búin að sjá ótal fallegar myndir af Feneyjum áður en ég kom þangað og þess vegna var sérstaklega skemmtilegt að sjá borgina með eigin augum. Feneyjar eru hvað frægastar fyrir gondólana sem er róið um síkin með ferðamenn frá öllum heimshornum. Í hjarta Feneyja er svo Markúsartorg með Markúsarkirkju og skammt frá er Hertogahöllin.
Það er algjört must að fara í svona taxi boat niður Canal Grande.
Það var líka mjög gaman að prófa gondóla.
Það er alveg á hreinu að það er nóg að skoða í Feneyjum. Heimsferðir bjóða upp á dagsferðir þangað bæði frá Lignano og Bibione. Það er vel þess virði og ég mæli mikið með að skella sér í dagsferð til feneyja!
August 26, 2018

Italy

Á föstudaginn er ég að fara í ótrúlega skemmtilegt ævintýri. Ég er að fara til strandbæjarins Lignano á Ítalíu en þar má finna ekta ítalska stemningu og gylltar strendur. Lignano er í um 40 mínútna akstri frá Trieste með beinu flugi Heimsferða frá Íslandi. Lignano er fullominn áfangastaður fyrir pör, fjölskyldur og alla þá sem vilja njóta alls þess besta sem Ítalía hefur uppá að bjóða. Það sem einkennir Lignano er fágað andrúmsloft, slökun og falleg náttúra. Þar má að sjálfsögðu finna ekta ítalska veitingastaði, verslunargötu og kaffihús. Allir ættu að geta fundið eitthvað við sitt hæfi.

Í Lignano teygir breið ströndin sig marga kílómetra. Hvert hótel er með sitt strandsvæði þar sem gestir hótelsins fá sólbekki og sólhlífar úthlutað meðan á dvöl þeirra stendur. Þjónusta við gesti í Lignano er framúrskarandi þar sem heilu fjölskyldurnar vinna við að þjónusta gesti með fjölbreyttum hætti.

Fyrir yngri kynslóðina er nóg um að vera en á svæðinu og þar í kring er að finna yfir 5 ólíka skemmtigarða. Aquasplash vatnsrennibrautagarðurinn er fyrsti sinnar tegundar á ítalíu og þar við hliðina á er sædýrasafnið Gulliverlandia

Dýragarðurinn Parco Zoo Punta Verde er líka ómissandi með yfir 1.000 dýrum af 150 ólíkum uppruna frá öllum heimshornum. Í hjarta Lignano eru svo leikvæðin Parco Junior og skemmtigarðurinn Strabilia.

Í þessari ferð ætla ég að taka video blog (vlog). Ég fór og keypti M50 myndavél í Reykjavík Foto sem er sérstaklega góð til þess að taka upp video. Vélin er lítil og nett auk þess sem hún tekur upp í 4K sem er mjög mikill kostur. Ég hlakka mikið til að prófa hana úti og sýna ykkur myndir og video úr ferðinni.

Staðirnir sem ég ætla að skoða í ferðinni auk Lignano eru Bibione, Feneyjar og Gardavatnið. Þeir sem hafa áhuga á að fylgjast með ferðinni geta skoðað Instastoryið mitt en ég ætla reyna setja inn efni á hverjum degi á meðan ég er úti.

Eins og gefur að skilja er ég orðin ótrúlega spennt að fara í þessa ferð með vinkonu minni í 10 daga. Ég hef heyrt og séð svo marga góða hluti um þetta svæði á Ítalíu þannig það verður yndislegt að upplifa þetta og sjá með eigin augum.

Mig hefur alltaf dreymt um Feneyjar og Gardavatnið. Það vill svo skemmtilega til að þetta er allt stutt frá Lignano! :) Ég hlakka til að sýna ykkur myndir úr ferðinni. Eigið góðan dag!

August 5, 2018

Mallorca part 2

Í dag er síðasti dagurinn okkar mömmu hérna á Mallorca. Við erum búnar að hafa það virkilega notalegt hérna úti en erum alveg tilbúnar að fara heim. ég Hlakka svo mikið til að hitta fallega gullið mitt! Mikið verður það nú gott. Búin að sakna hennar ótrúlega mikið. Hér að neðan eru nokkrar myndir sem ég tók í ferðinni. það er sérstaklega myndvænt hérna á eyjunni enda þvílík náttúrufegurð og strendurnar gullfallegar!
Ef ég ætlaði að senda einhverjum bréf þá væri þetta póstkortið frá Mallorca!
Mamma sæta <3
Við kíktum til Palma í einn dag. Það var mjög líflegt og skemmtilegt. Fínt að versla þar líka! ÞAÐ SEM MÉR FANNST ÁHUGAVERT AÐ SKOÐA Í PALMA VAR KIRKJAN OG GÖNGUGATAN PASSEIG DEL BORN.
Þarna sátum við mamma stundum á kvöldin og spjölluðum um daginn og veginn! Virkilega kósý og nauðsynlegt að eiga quality time með mömmu sinni. Mæli með því:)

Ég kveð að sinni..
vonandi eigið þið góðan sunnudag!