ALAVIS
August 20, 2021

Blackpool Junior Dance Festival 2021

Dagana 13 og 14 ágúst keppti Ísabella mín á Blackpool Junior Dance Festival. Þetta var fyrsta danskeppnin hennar erlendis ásamt því að vera sú langstærsta. Ísabella stóð sig ótrúlega vel og lagði sig alla fram. Hún vann sinn flokk 8. ára og yngri og er þar af leiðandi British Open Champion U8 2021 🏆🇮🇸🇬🇧. Hún keppti einnig í flokknum 10. ára og yngri og lenti þar í 4. sæti sem er glæsilegur árangur fyrir 7. ára. Ég gæti ekki verið stoltari af henni og hvað hún er búin að leggja hart að sér. Hún er reynslunni ríkari að koma fram fyrir svona margt fólk í þessari glæsilegu danshöll. Þvílíkt ævintýri og hlökkum við mikið til að mæta aftur á næsta ári.

Þeir sem hafa áhuga á að fylgjast með Ísabellu í dansinum geta fylgt henni á Instagram: https://www.instagram.com/isabella_birta/ en það eru mjög spennandi hlutir að gerast hjá henni sem ég hlakka til að segja ykkur frá fljótlega.

‍

Þangað til næst <3

UMSK champions 2021

Blackpool Junior Dance Festival 2021

Danskeppni mars 2021

Gleðilegt nýtt ár

Afmælisveislan hennar Ísabellu

Vinkonuferð til Tenerife

September 4, 2020

Sumarið

Jæja.. ég tók mér aðeins of langt bloggsumarfrí! Í sumar ferðuðumst við mikið innanlands en íslenska sumarið er alltaf jafn fallegt. Þeir staðir sem stóðu algjörlega upp úr í ár voru:

‍

➺ Jarðböðin við Mývatn

➺ Geosea á Húsavík

➺ Grjótagjá

➺ Giljaböðin Húsafelli

➺ Lystigarður Akureyrar

➺ Bláa lónið

➺ Þingvellir

➺ Vestmannaeyjar

‍

Núna er ég tilbúin fyrir fallegu haustlitina og bíð spennt eftir að fá snjó til þess að komast á skíði :)

Hér koma nokkrar myndir frá sumrinu..

Gullið mitt byrjaði í 1. bekk í ágúst og ég er svo stolt af duglegu stelpunni minni <3

I am always with you. Be brave, have courage and love life.

Ég vona að sumarið ykkar hafi verið gott. Þangað til næst :)

June 3, 2020

Hvítasunnuhelgin

Um helgina heimsóttum við Slakka sem er lítill húsdýragarður í Laugarási, Biskupstungum. Það tekur u.þ.b. 1 klst og 20 mínútur að keyra þangað frá Garðabæ. Þar í kring er mikil náttúrufegurð og einstök upplifun fyrir börnin. Eftir Slakka fór Ísabella á hestbak á Syðra-Langholti rétt hjá Flúðum sem var mikið stuð! :)

Það eru margir kettlingar í Slakka núna sem var mikið gleðiefni fyrir dýrakonuna mína! Við hittum á mjög gott veður en það er best að reyna stóla upp á sól og logn. Þá er hægt að njóta sín vel og lengi í garðinum.

Þessi litli, sæti kettlingur bræddi í mér hjartað! Hann var svolítið mikið þreyttur enda tekur á að stækka svona hratt! :)

Mjáwww..

Ég vona að helgin ykkar hafi verið góð :)

Load more posts
January 12, 2019

Costa Adeje

Í dag er fjórði dagurinn okkar að byrja hérna á Tenerife. Ég er búin að koma svo oft hingað að ég man ekki einu sinni lengur í hvaða skipti þetta er. Ég elska Tenerife. Hér er allt til alls þegar fólk er með litla prakkara. Að vera hér er góð tilbreyting frá kuldanum þó svo að Ísland sé alltaf langbest! Við erum sem sagt á hóteli sem heitir Iberostar Anthelia og er staðsett við ströndina á Costa Adeje. Þetta hótel er yndislegt í alla staði og sérstakleg barnvænt. Mig langaði að deila með ykkur nokkrum myndum frá fyrstu dögunum okkar hérna í sólinni.

Fallega Ísabella mín að njóta sín í sólinni..

Fimleika stelpa..

Alltaf stuð hjá henni!

Í dag er nóg um að vera. Fyrst er það auðvitað góði morgunmaturinn hérna á hótelinu, næst ætlum við að kíkja á markað sem er á laugardögum hérna í Adeje. Á óskalistanum eftir það er sólbað við sundlaugarbakkann, taka myndir fyrir bloggið og borða góðan kvöldmat. Ég er svo að vonast eftir einhverju góðu show-i hérna á hótelinu í kvöld. Ég ætla ekki að hafa þetta lengra að sinni. Ég vona að þið eigið góða helgi!

September 27, 2018

VLOG frá Ítalíuferðinni minni

Í dag langaði mig að sýna ykkur videobloggið sem ég tók úti á Ítalíu. Í ferðinni heimsótti ég Lignano, Bibione og Venice. Á næstunni mun Heimsferðir opna fyrir sölu á þennan fallega og fjölskylduvæna áfangastað sem ég heimsótti í september.

September 13, 2018

Lignano á Ítalíu

Í sumar byrjuðu Heimsferðir að bjóða íslendingum upp á nýjan áfangastað á Ítalíu sem heitir Lignano Sabbiadoro. Ég hef komið til Mílanó og Rómar en aldrei á þessar slóðir áður. Þess vegna var ég mjög spennt að skoða og upplifa þennan nýja áfangastað Heimsferða á Ítalíu. Ég var á hóteli sem heitir Florida og er alveg við ströndina sem var mikill kostur. Lignano er sérstaklega fjölskylduvænn staður og hef ég til dæmis aldrei séð jafn mikið af leiktækjum fyrir börn á ströndinni eins og í Lignano. Það er örstutt að fara í fjölbreytta og skemmtilega afþreyingu s.s. glæsilegan vatnsrennibrautagarð, tívolí og dýragarð svo eitthvað sé nefnt. Ég er svo sannarlega búin að ákveða að fara aftur þangað út sem allra fyrst. Enda var þetta ógleymanleg ferð. Það var mikill kostur að flugið var stutt og þægilegt eða u.þ.b. 4 klst. Veitingastaðirnir í Lignano eru mjög fjölbreyttir, fínir og snyrtilegir. Ég hef alltaf verið mikið fyrir ítalskan mat og hann stóð vel fyrir sínu. Verslunargatan í Lignano er risastór með mikið af fallegum verslunum með fjölbreyttu úrvali.
STUTT FRÁ LIGNANO ER BIBIONE. ÞAR ERU ENNÞÁ FLEIRI VERSLANIR OG VEITINGASTAÐIR ÁSAMT SKEMMTILEGRI STRÖND.
Þessi fallegi staður í Lignano heitir Sabbiadoro Beach Bar & Restaurant. Hann er nánast á ströndinni og þarna er mikið líf og fjör yfir daginn.
Á verslunargötunni í Lignano er stór og flott hringekja. Sú allra flottasta sem ég hef séð. éG SKELLTI MÉR Í HANA MEÐ ÖLLUM BÖRNUNUM!! :D
Ströndin í Lignano er mjög fjölskylduvæn. Það er aðgrunnt við ströndina sem hentar vel fyrir litla fætur. Það er mikil gæsla á ströndinni og allt tandurhreint og fínt.
Eins og sést á þessari mynd er ströndin ansi löng og breið.
Ef einhver er að hugsa um að skella sér í frí til Lignano næsta sumar þá get ég svo sannarlega mælt með bæði Lignano og Bibione. Það er alltaf gaman að prófa eitthvað nýtt.

‍

ef einhverjar spurningar vakna þá er alltaf velkomið að senda mér línu á netfangið mitt: alavis@alavis.is

‍

hér er hægt að lesa meira um LIGNANO OG BIBIONE og bóka ferð hjá heimsferðum.

‍

Ég vona að þið eigið góðan dag:)
September 12, 2018

Feneyjar

Á mánudaginn kom ég heim frá Ítalíu eftir stórskemmtilega tíu daga ferð. Ég og vinkona mín vorum á hóteli í Lignano og kíktum líka mikið yfir til Bibione sem er örstutt frá. Við fórum einnig í dagsferð til Feneyja sem var ógleymanleg upplifun.
Ég var auðvitað búin að sjá ótal fallegar myndir af Feneyjum áður en ég kom þangað og þess vegna var sérstaklega skemmtilegt að sjá borgina með eigin augum. Feneyjar eru hvað frægastar fyrir gondólana sem er róið um síkin með ferðamenn frá öllum heimshornum. Í hjarta Feneyja er svo Markúsartorg með Markúsarkirkju og skammt frá er Hertogahöllin.
Það er algjört must að fara í svona taxi boat niður Canal Grande.
Það var líka mjög gaman að prófa gondóla.
Það er alveg á hreinu að það er nóg að skoða í Feneyjum. Heimsferðir bjóða upp á dagsferðir þangað bæði frá Lignano og Bibione. Það er vel þess virði og ég mæli mikið með að skella sér í dagsferð til feneyja!
© 2017 ALAVIS.IS BY TINNA ALAVIS