ALAVIS
January 20, 2019

Í garðinum

Ég elska að taka myndir í útlöndum þó svo ég hafi gert óvenju lítið af því í þessari ferð. Þar sem ég hef aðallega legið í afslöppun við sundlaugarbakkann og leikið við Ísabellu í barnaklúbbnum. Já og ekki má gleyma barnadiskótekunum á kvöldin. Hótelið sem við erum á er algjört æði. Ég get ekki dásamað það nógu mikið. Það er svo flott dagskrá hérna dag eftir dag og mikið lagt upp úr því að skemmta börnunum!

Það er svo fallegt að taka myndir í hótelgarðinum.

Ég borða vanalega ekki ís heima á Íslandi en þegar ég er á sólarströnd þá finnst mér ís óvenju góður!

Það er bara einfaldlega betri ís hérna heldur en heima. Þessi ísbúð er beint fyrir utan hótelið..

Það er ekki annað hægt en að brosa á svona góðviðris dögum!

Hasta luego! :)

January 19, 2019

Göngutúr meðfram strandlengjunni

Ég fór í góðan göngutúr meðfram strandlengjunni um daginn og tók nokkrar myndir af umhverfinu í leiðinni. Staðurinn á efstu myndinni heitir Papagayo Beach Club og er á amerísku ströndinni. Það er sérstaklega kósý að horfa á sólsetrið þarna á kvöldin.

Fallegasta svæðið hérna á Tenerife að mínu mati er svæðið í kringum Playa del Duque. Þar eru einnig góðir veitingastaðir og gaman að horfa á mannlífið á daginn og kvöldin.

Playa del Duque.

Veitingastaðurinn hægra megin við mig á myndinni heitir La Hacienda. Hann er mexíkóskur og ég get alveg mælt með honum. Hann er við hliðina á El Duque kastalanum.

Það styttist í heimför en ég frétti að það væri búið að snjóa töluvert mikið. Ég hlakka til að komast á skíði. Vonandi eruð þið að njóta helgarinnar. Þangað til næst..

January 12, 2019

Costa Adeje

Í dag er fjórði dagurinn okkar að byrja hérna á Tenerife. Ég er búin að koma svo oft hingað að ég man ekki einu sinni lengur í hvaða skipti þetta er. Ég elska Tenerife. Hér er allt til alls þegar fólk er með litla prakkara. Að vera hér er góð tilbreyting frá kuldanum þó svo að Ísland sé alltaf langbest! Við erum sem sagt á hóteli sem heitir Iberostar Anthelia og er staðsett við ströndina á Costa Adeje. Þetta hótel er yndislegt í alla staði og sérstakleg barnvænt. Mig langaði að deila með ykkur nokkrum myndum frá fyrstu dögunum okkar hérna í sólinni.

Fallega Ísabella mín að njóta sín í sólinni..

Fimleika stelpa..

Alltaf stuð hjá henni!

Í dag er nóg um að vera. Fyrst er það auðvitað góði morgunmaturinn hérna á hótelinu, næst ætlum við að kíkja á markað sem er á laugardögum hérna í Adeje. Á óskalistanum eftir það er sólbað við sundlaugarbakkann, taka myndir fyrir bloggið og borða góðan kvöldmat. Ég er svo að vonast eftir einhverju góðu show-i hérna á hótelinu í kvöld. Ég ætla ekki að hafa þetta lengra að sinni. Ég vona að þið eigið góða helgi!

Load more posts
August 5, 2018

Mallorca part 2

Í dag er síðasti dagurinn okkar mömmu hérna á Mallorca. Við erum búnar að hafa það virkilega notalegt hérna úti en erum alveg tilbúnar að fara heim. ég Hlakka svo mikið til að hitta fallega gullið mitt! Mikið verður það nú gott. Búin að sakna hennar ótrúlega mikið. Hér að neðan eru nokkrar myndir sem ég tók í ferðinni. það er sérstaklega myndvænt hérna á eyjunni enda þvílík náttúrufegurð og strendurnar gullfallegar!
Ef ég ætlaði að senda einhverjum bréf þá væri þetta póstkortið frá Mallorca!
Mamma sæta <3
Við kíktum til Palma í einn dag. Það var mjög líflegt og skemmtilegt. Fínt að versla þar líka! ÞAÐ SEM MÉR FANNST ÁHUGAVERT AÐ SKOÐA Í PALMA VAR KIRKJAN OG GÖNGUGATAN PASSEIG DEL BORN.
Þarna sátum við mamma stundum á kvöldin og spjölluðum um daginn og veginn! Virkilega kósý og nauðsynlegt að eiga quality time með mömmu sinni. Mæli með því:)

Ég kveð að sinni..
vonandi eigið þið góðan sunnudag!
July 31, 2018

Mallorca

Á sunnudaginn flugum við mamma til Mallorca og ætlum að vera hérna í sólinni í eina viku í tilefni þess að við eigum báðar afmæli í vikunni. Mamma átti afmæli í gær 30. júlí og ég í dag 31. júlí. Síðan við lentum er búið að vera svakalega heitt. Ég er algjört hitabeltisdýr þannig þetta hentar mér vel en mömmu finnst þetta næstum því of heitt!:) Við erum búnar að skoða heilan helling á tveimur dögum. Það er einstaklega fallegt hérna á Mallorca og ég er að hugsa um að koma hingað aftur á næsta ári.
Ég er búin að fá svo margar spurningar á Instagram út í nafnið á hótelinu sem við erum á. Það heitir Senses Palmanova.
ÉG GET ALVEG MÆLT MEÐ þessu hóteli. Það er bæði FALLEGT, STUTT FRÁ STRÖNDINNI, SNYRTILEGT OG MEÐ SKEMMTILEGU STARFSFÓLKI.
Ég tók þessa mynd af mömmu í gær á afmælisdaginn hennar. Hún er orðin 58 ára takk fyrir en mér finnst hún líta út fyrir að vera 48. Hún er best allra <3
Þessi strönd er beint fyrir neðan hótelið okkar og það er ekkert leiðinlegt að horfa út á sjó þegar ég vakna á morgnana.
Það er alltaf mikil stemmning á ströndinni. Mikið mannlíf og fallegir bátar út um allt. Já og ég tala nú ekki um fallegu snekkjurnar!
Ég ætla ekki að hafa þetta lengra að sinni. Núna er ég farin að njóta afmælisdagsins! 
Þeir sem vilja fylgjast með ferðinni geta skoðað Instastoryið mitt. 
Hafið það gott.. þangað til næst!:)
June 1, 2018

Myndir frá Tene

Ég tók alveg slatta af myndum úti á Tenerife og þar á meðal af Ísabellu minni. Ég hef ekki ennþá haft tíma til þess að fara í gegnum allar myndirnar en vonandi næ ég að klára það um helgina. Annars er nóg um að vera á morgun og á sunnudaginn. Ballettæfing, ferð í Húsdýragarðinn og 1. árs afmæli hjá einum litlum krúttprins.
Þessi kerra var mikið notuð í ferðinni en hún hentar sérstaklega vel fyrir eldri börn eða alveg upp í 25 kg. Kerran sem Ísabella átti síðast var orðin allt of lítil fyrir hana þannig ég fór að hugsa hvort hún væri orðin of stór fyrir kerru. Það var ekki tilfellið heldur þurfti hún bara öðruvísi kerru. Ég gæti ekki verið ánægðari með nýju kerruna sem er einstaklega lipur. Eftir að hafa prófað hana verður erfitt að finna einhverja betri, ef það er þá hægt! Kerran er aðeins 9.9kg og það er hægt að læsa framhjólinu sem getur komið sér einstaklega vel. Einn stór plús við kerruna er bremsan á handfanginu. Mér finnst þvílíkur munur að hafa handbremsu þegar ég fer niður brekku svo ég þurfi ekki að halda við kerruna með öllu afli. Ég skil ekki hvers vegna allar kerrur eru ekki með handbremsu. Annar stór plús við kerruna er skyggnið sem leggst nánast alveg niður og veitir góða vörn fyrir sólinni. Það er eitthvað sem ætti líka að vera hægt á öllum kerrum en ekki hálfa leið. Enda ekkert sérstaklega þægilegt fyrir börn að vera sofandi með sterka sól í augun.

Kerran fæst í Ólavíu og Oliver og heitir Book cross.
ÍSABELLA SKEMMTI SÉR MJÖG VEL Í FERÐINNI OG EIGNAÐIST NÝJA VINKONU FRÁ HOLLANDI. ÞÆR REDDUÐU SÉR ALVEG Á ENSKU SEM VAR VIRKILEGA KRÚTTLEGT AÐ FYLGJAST MEÐ.

Ég ætla ekki að hafa þetta lengra að sinni. Vonandi verður helgin ykkar góð!
May 21, 2018

Sumarið á Tenerife - Gjafaleikur

Núna er þessi tveggja vikna sólarlandaferð á enda og við komin aftur heim til Íslands. Í dag langaði mig að deila nokkrum myndum frá því um helgina en við tókum þær við hliðina á kastalanum á Playa del Duque ströndinni.
My beauty!! <3
Áður en ég fór út til Tenerife fékk ég þessar fallegu perlur frá Majorica að gjöf en þær fást í versluninni Úr & Gull í Hafnarfirði og verslunum Meba (Kringlunni og Smáralind). Mér finnst perlur alltaf gera mann svo fínan en Majorica perlur eru eins og nafnið gefur til kynna spænskar og framleiddar á eyjunni Mallorca. Þær hafa verið leiðandi vara á spænska perlu- og skartgripamarkaðnum um árabil. Majorica perlur eru einstaklega sparilegar og tilvalið brúðarskart.
Ég fékk einnig nýja sumarilminn frá BonBon að gjöf fyrir ferðina en ég notaði hann daglega á meðan ég var úti. Ég er rosalega picky þegar kemur að ilmvötnum og hef í mörg ár einungis notað tvö ilmvötn til skiptanna. Ég get með sanni sagt að þessi ilmur frá BonBon er ótrúlega góður og eflaust margir sem eru sammála mér þar.
Besti félagsskapurinn!! <3
Majorica hálsfestin var mikið notuð í ferðinni!
Í samstarfi við Meba og Terma ætla ég að gleðja tvo lesendur og gefa sitthvort settið af Majorica skarti eins og ég er með á myndunum hér að ofan (hálsfesti, armband & eyrnalokkar). í báðum pökkunum leynist einnig dásamlegur sumarilmur frá Bonbon. Vinningshafar verða dregnir út næstu helgi og tilkynni ég nöfn þeirra hér á blogginu.

Leikurinn fer fram á Facebooksíðu Alavis.is

Uppfært: Ég er búin að draga út vinningshafa í leiknum og þær heppnu að þessu sinni eru Ester Ýr Jónsdóttir og Margrét Jónsdóttir. Innilega til hamingju. Þið fáið send skilaboð frá mér.